ബെംഗളൂരു: കർണാടക ആർടിസി ബസ് കാറിലിടിച്ചുണ്ടായ അപകടത്തിൽ ഒരു കുടുംബത്തിലെ നാല് പേർ മരിച്ചു. ബംഗളൂരു-മൈസൂരു എക്സ്പ്രസ് വേയിൽ വ്യാഴാഴ്ചയാണ് അപകടമുണ്ടായത്. മാണ്ഡ്യ തുബിനകെരെയ്ക്ക് സമീപം സഞ്ചരിക്കുകയായിരുന്ന കാറിലേക്ക് ബസ് ഇടിക്കുകയായിരുന്നു. രാജെ ഉർസ് (51), ഭാര്യ നിശ്ചിത (45), ബന്ധു ചന്ദ്രു (62), ചന്ദ്രുവിന്റെ ഭാര്യ സുവേദിനി റാണി (50) എന്നിവരാണ് മരിച്ചത്.
ഇവർ ബെംഗളൂരുവിൽ നിന്ന് മൈസൂരുവിലേക്ക് പോകവേ എതിർദിശയിൽ നിന്ന് വന്ന ആർടിസി ബസ് കാറിലേക്ക് കൂട്ടിയിടിക്കുകയായിരുന്നു. അപകടത്തിൽ കാർ പൂർണമായും തകർന്നു. ബസിലുണ്ടായിരുന്ന ഏതാനും യാത്രക്കാർക്കും പരുക്കേറ്റു. സംഭവത്തിൽ മാണ്ഡ്യ പോലീസ് കേസെടുത്തു.
TAGS: KARNATAKA | ACCIDENT
SUMMARY: Four of family killed on spot in bus-car collision on Bengaluru-Mysuru Expressway
