ഡല്‍ഹി മദ്യനയ അഴിമതിക്കേസില്‍ അറസ്റ്റിലായ ആംആദ്‌മി പാർട്ടിയുടെ രാജ്യസഭാംഗം സഞ്ജയ് സിംഗിന് ജാമ്യം അനുവദിച്ചു. സുപ്രീംകോടതിയാണ് ജാമ്യം അനുവദിച്ചത്. നിലവില്‍ തിഹാർ ജയിലിലാണ് സഞ്ജയ് സിംഗ് കഴിയുന്നത്. ജാമ്യവ്യവസ്ഥകള്‍ വിചാരണക്കോടതിക്കും തീരുമാനിക്കാമെന്ന് സുപ്രീംകോടതി അറയിച്ചു.
രാഷ്ട്രീയ പ്രവർത്തനങ്ങളില്‍ തുടരാനും കോടതി അനുമതി നല്‍കിയിട്ടുണ്ട്. സഞ്ജയ് സിംഗിന് ജാമ്യം നല്‍കുന്നതിനെ ഇഡി കോടതിയില്‍ എതിർത്തില്ല. ഇതോടെ കോടതി ജാമ്യം അനുവദിക്കുകയായിരുന്നു. എംപിക്ക് രാഷ്ട്രീയപ്രവർത്തനം തുടരാൻ തടസമില്ലെന്നും കോടതി അറിയിച്ചു.
കഴിഞ്ഞ വര്‍ഷം ഒക്ടോബര്‍ നാലിനാണ് സഞ്ജയ് സിംഗിനെ ഇഡി അറസ്റ്റ് ചെയ്തത്. എംപിയുടെ വസതിയില്‍ നടന്ന റെയ്ഡിന് പിന്നാലെയായിരുന്നു അറസ്റ്റ്. മദ്യനയകേസില്‍ പ്രതി ചേർക്കപ്പെട്ട വ്യവസായിയായ ദിനേഷ് അറോറ, സഞ്ജയ് സിംഗിന്റെ സാന്നിദ്ധ്യത്തില്‍ മുഖ്യമന്ത്രി അരവിന്ദ് കെജ്രിവാളിനെ വസതിയില്‍ വച്ച്‌ കണ്ടിരുന്നതായി ഇഡിയുടെ കുറ്റപത്രത്തില്‍ ഉണ്ട്.
The post ഡല്‍ഹി മദ്യനയക്കേസ്; എഎപി നേതാവ് സഞ്ജയ് സിംഗിന് ജാമ്യം appeared first on News Bengaluru.
Powered by WPeMatico
