ബെംഗളൂരു: കൊല്ലൂരിൽ തടാകത്തിൽ കുളിക്കാനിറങ്ങിയ രണ്ട് കുട്ടികൾ മുങ്ങിമരിച്ചു. ബെല്ലാല ഗ്രാമത്തിലെ നന്ദ്രോളിയിൽ ശനിയാഴ്ച ഉച്ചയോടെയാണ് സംഭവം. ചിക്കനക്കാട്ട് സ്വദേശികളായ ധനരാജ് (13), ഛായ (7) എന്നിവരാണ് മരിച്ചത്. ഇവരെ രക്ഷിക്കാൻ തടാകത്തിലേക്ക് ചാടിയ അമ്മ ഷീല മഡിവാളയ്ക്ക് (40) ഗുരുതരമായി പരുക്കേറ്റു.
രണ്ട് കുട്ടികളും വാൻഡ്സെ ഹയർ പ്രൈമറി സ്കൂളിലെ വിദ്യാർഥികളായിരുന്നു. ഷീലയുടെ ഭർത്താവ് സതീഷ് മഡിവാള വിജയപുരയിൽ ഹോട്ടൽ ജീവനക്കാരനാണ്. ഇരുവരും കാല് വഴുതി വീണതാണ് എന്ന് പോലീസ് പറഞ്ഞു. ഷീലയെ ചികിത്സയ്ക്കായി കുന്ദാപുരിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ഇവർ അപകടനില തരണം ചെയ്തതായി ഡോക്ടർമാർ അറിയിച്ചു. കൊല്ലൂർ പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്.
TAGS: KARNATAKA | DROWN TO DEATH
SUMMARY: Two children drowned to death while bathing
