തിരുവനന്തപുരം: സംസ്ഥാനത്ത് ഇന്ന് കൂടി ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. 7 ജില്ലകളിൽ യെല്ലോ അലർട്ട് പ്രഖ്യാപിച്ചു. തൃശൂർ മുതൽ കാസറഗോഡ് വരെയുള്ള ജില്ലകളിലാണ് യെല്ലോ അലർട്ടുള്ളത്. കള്ളക്കടൽ പ്രതിഭാസത്തിന്റെയും ഉയർന്ന തിരമാലയുടെയും സാധ്യത കണക്കാക്കി കേരളതീരത്ത് റെഡ് അലർട്ട് തുടരുകയാണ്. ഈ സാഹചര്യത്തിൽ തിരദേശവാസികളും മത്സ്യ തൊഴിലാളികളും അതീവ ജാഗ്രത പാലിക്കണമെന്ന് ജില്ല ഭരണകൂടം അറിയിച്ചു.
താഴ്ന്ന ഭാഗങ്ങളിൽ വെള്ളം കയറാൻ സാധ്യതയുള്ളതിനാൽ അടിയന്തര സാഹചര്യങ്ങളിൽ മാറി താമസിക്കണമെന്നും നിർദേശമുണ്ട്. അതേസമയം കേരള ലക്ഷദ്വീപ് കർണാടക തീരങ്ങളിൽ മത്സ്യബന്ധന വിലക്ക് തുടരുകയാണ്.
ബംഗാള് ഉള്ക്കടലിന്റെ പടിഞ്ഞാറന് മധ്യമേഖലയില് തുടരുന്ന തീവ്ര ന്യൂനമര്ദം നിലവില് തമിഴ്നാട് തീരത്തേക്ക് എത്തുകയാണ്. നാളെ പുലര്ച്ചയോടെ ന്യൂനമര്ദം പടിഞ്ഞാറന് വടക്ക് പടിഞ്ഞാറന് ദിശയില് സഞ്ചരിച്ച് തെക്കന് തമിഴ്നാട്, വടക്കന് ആന്ധ്രാപ്രദേശ് തീരം തൊടും.പുതുച്ചേരിക്കും നെല്ലൂരിനും ഇടയിലൂടെ ചെന്നൈയ്ക്ക് സമീപത്തൂടെയാകും ന്യൂനമര്ദം കരകയറുക. ഇന്ന് തമിഴ്നാട്, ആന്ധ്രാപ്രദേശ്, തെലങ്കാന സംസ്ഥാനങ്ങളില് റെഡ് അലര്ട്ടാണ്. ഇവിടങ്ങളില് കനത്ത മഴ തുടരും. നാളെ മുതല് ശക്തി കുറയുമെങ്കിലും രണ്ട് ദിവസം കൂടി മഴ തുടരും.
<BR>
TAGS : HEAVY RAIN
SUMMARY : Chance of heavy rain. Yellow alert in seven districts
