ബെംഗളൂരു : കെഎൻഎസ്എസ് ജയനഗർ കരയോഗം കുടുംബസംഗമം വിജയബാങ്ക് ലെ ഔട്ടിനു സമീപം ഷാൻബോഗ് നാഗപ്പ ലെ ഔട്ടിലുള്ള സിരി കൺവെൻഷൻ ഹാളിൽ നടന്നു. രാവിലെ നടന്ന കുട്ടികൾക്കുള്ള പെയിന്റിംഗ് മത്സരത്തോടെ പരിപാടികള്‍ക്ക് തുടക്കമായി.
കെഎൻഎസ്എസ് ചെയർമാൻ രാമചന്ദ്രൻ പാലേരി കുടുംബസംഗമത്തിന്റെ ഉദ്ഘാടനം നിർവഹിച്ചു. കരയോഗം പ്രസിഡന്റ്‌ ആർ ശ്രീനിവാസ് അധ്യക്ഷത വഹിച്ചു. ജനറൽ സെക്രട്ടറി ആർ മനോഹരക്കുറുപ്പ്, ട്രഷറർ മുരളീധർ നായർ, മഹിളാ വിഭാഗം കോർ കമ്മിറ്റി കൺവീനർ രാജലക്ഷ്മി നായർ എന്നിവർ പങ്കെടുത്തു.
അംഗങ്ങളുടെ വിവിധ കലാപരിപാടികൾ അരങ്ങേറി. മെറിറ്റ് അവാർഡ് വിതരണവും മുതിർന്ന അംഗങ്ങളെ ആദരിക്കുന്ന ചടങ്ങും ഉണ്ടായിരുന്നു. സാംസ്‌കാരിക വേദിയുടെ നേതൃത്വത്തിൽ ചട്ടമ്പി സ്വാമികളുടെ സമാധി ശതാബ്ധി ആചരണം അരങ്ങേറി. കെ എൻഎസ്എസ് മ്യൂസിക് ട്രൂപ് സംഗീതിക മെഗാ ഗാനമേള അവതരിപ്പിച്ചു.
