മുംബൈ: കോളേജ് പരിപാടിയില്‍ പ്രസംഗിക്കുന്നതിനിടെ കോളേജ് വിദ്യാർഥി കുഴഞ്ഞുവീണുമരിച്ചു. ഇരുപതുകാരിയായ വർഷ ഖാരാട്ട് ആണ് മരിച്ചത്. ധാരാശിവ് ജില്ലയിലെ ആര്‍ജി ഷിന്‍ഡെ കോളേജില്‍ അവസാന വര്‍ഷ ബിഎസ്സി വിദ്യാര്‍ഥിനിയായിരുന്നു വര്‍ഷ. സംഭവത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാണ്.
വൈറലായ വീഡിയോയില്‍ സാരി ധരിച്ച്‌ പോഡിയത്തില്‍ നിന്ന് വിടവാങ്ങല്‍ പ്രസംഗം നടത്തുന്ന വര്‍ഷയെ കാണാം. പെട്ടെന്ന് പ്രസംഗം നിര്‍ത്തിയ വര്‍ഷ വീണു മരിച്ചു. വര്‍ഷ ബോധംകെട്ടു വീണപ്പോള്‍ വിദ്യാര്‍ഥികള്‍ വേദിയിലേക്ക് ഓടിക്കയറി അവളെ അടുത്തുള്ള സര്‍ക്കാര്‍ ആശുപത്രിയിലേക്ക് കൊണ്ടുപോയി, അവിടെ എത്തിച്ചപ്പോഴേക്കും മരിച്ചിരുന്നു.
TW:During the farewell speech in a college in Dharashiv district of Maharashtra, 20-year-old student Varsha Kharat was laughingly saying goodbye to her friends. Suddenly she fell down and d!ed
pic.twitter.com/TabOcHV3kL— Ghar Ke Kalesh (@gharkekalesh) April 7, 2025
വര്‍ഷയ്ക്ക് ഹൃദയ സംബന്ധമായ പ്രശ്നങ്ങള്‍ ഉണ്ടായിരുന്നുവെന്ന് റിപ്പോര്‍ട്ടുകള്‍ സൂചിപ്പിക്കുന്നു. വര്‍ഷങ്ങള്‍ക്ക് മുമ്പ് അവര്‍ക്ക് ബൈപാസ് സര്‍ജറി നടത്തിയിരുന്നുവെന്ന് അമ്മാവന്‍ ധനാജി ഖരത് പറഞ്ഞു. ഹൃദയ ശസ്ത്രക്രിയയ്ക്ക് ശേഷം അവള്‍ മരുന്ന് കഴിച്ചിരുന്നു, പക്ഷേ കോളേജില്‍ പോകാനുള്ള തിരക്കില്‍ വെള്ളിയാഴ്ച ദിവസേനയുള്ള ഗുളികകള്‍ കഴിച്ചിരുന്നില്ലെന്നും അദ്ദേഹം പറഞ്ഞു.
TAGS : LATEST NEWS
SUMMARY : 20-year-old woman collapses and dies while giving a speech at a college graduation ceremony
