തൃശൂർ പൂരം ഇന്ന്. തേക്കിന്കാട് മൈതാനത്ത് പൂരത്തിന് കോടിയേറും. പാറമേക്കാവ്, തിരുവമ്പാടി ക്ഷേത്രങ്ങളാണ് പൂരത്തിലെ പ്രമുഖ പങ്കാളികള്. കാരമുക്ക്, ലാലൂര്, ചൂരക്കോട്ടുകര, പനമുക്കമ്ബള്ളി, അയ്യന്തോള്, ചെമ്പുക്കാവ്, നെയ്തലക്കാവ് എന്നീ ക്ഷേത്രങ്ങളും പൂരത്തിലെ പങ്കാളികളാണ്.
ഇന്ന് രാവിലെ തിരുവമ്പാടിയുടെ പഞ്ചവാദ്യത്തോടെയുള്ള മഠത്തിലെ വരവ് ആണ് ആദ്യമുണ്ടാകുക. ഉച്ച കഴിഞ്ഞ് മൂന്നിന് പാറമേക്കാവിന്റെ ഇലഞ്ഞിത്തറ മേളം, വൈകിട്ട് സ്വരാജ് റൗണ്ടില് കുടമാറ്റം എന്നിവയാണ് പ്രധാനം. രാത്രി ആവര്ത്തിക്കുന്ന എഴുന്നള്ളിപ്പിനു ശേഷം കരിമരുന്നു പ്രയോഗവും ഉണ്ടാകും. കേരളത്തിലെ എണ്ണം പറഞ്ഞ കൊമ്പന്മാർ, താള വാദ്യ രംഗത്തെ കുലപതിമാര്, കരിമരുന്നു പ്രയോഗം എന്നിവയെല്ലാം ഒത്തുചേരുമ്പോൾ തൃശ്ശൂര് പൂരം ഓരോ വര്ഷവും വേറിട്ട അനുഭവമാകുന്നു.
ഇന്ന് രാവിലെ 11.30ന് മേളവിരുന്നു തുടങ്ങും. ഉച്ചയ്ക്ക് 1.15ന് നായ്ക്കനാലില് പഞ്ചവാദ്യം കലാശിക്കും. 11.45ന് പാറമേക്കാവില് ചെമ്പടമേളം ഉണ്ട്. 12.15ന് 15 ആനകളുമായി പുറത്തേക്ക് എഴുന്നള്ളുന്ന സമയം ചെമ്പടയുടെ അകമ്പടിത്താളവും പിന്നെ പാണ്ടിമേളം ആരംഭിക്കും.
ഇത് വടക്കുന്നാഥ ക്ഷേത്രത്തിനകത്ത് 2.10ന് ഇലഞ്ഞിത്തറമേളയായി മാറും. കിഴക്കൂട്ട് അനിയന് മാരാരാണ് ഇവിടെ പ്രമാണി. ഉച്ചയ്ക്ക് 3ന് നായ്ക്കനാലില് നിന്ന് ആരംഭിക്കുന്ന തിരുവമ്പാടിയുടെ മേളം ക്ഷേത്രത്തിനു പുറത്ത് ശ്രീമൂലസ്ഥാനത്തു നിന്നായിരിക്കും കൊട്ടിതുടങ്ങുക.
നാളെ പുലർച്ചയാണ് തൃശൂർ പൂരം വെടിക്കെട്ട്. പകൽ പൂരത്തിനു ശേഷം തിരുവമ്പാടി പാറമേക്കാവ് ഭഗവതിമാർ ഉപചാരം ചൊല്ലി പിരിയുന്നതോടെ 36 മണിക്കൂറോളം നീളുന്ന തൃശൂർ പൂരത്തിന് പരിസമാപ്തിയാകും.
The post തൃശൂർ പൂരത്തിന് ഇന്ന് കോടിയേറും appeared first on News Bengaluru.
