തെലുങ്ക് കൊറിയഗ്രാഫർ ഷൈഖ് ജാനി ബാഷ എന്ന ജാനി മാസ്റ്റര്ക്ക് പ്രഖ്യാപിച്ച ദേശീയ അവാര്ഡ് റദ്ദാക്കിയതായി കേന്ദ്ര സര്ക്കാര്. സഹപ്രവര്ത്തകയായ 21-കാരിയെ ലൈംഗികമായി പീഡിപ്പിച്ച കേസില് അറസ്റ്റിലായതിലാണ് അവാര്ഡ് റദ്ദാക്കിയത്. ‘തിരുചിത്രമ്പലം’ എന്ന ചിത്രത്തിലെ ‘മേഘം കറുക്കാത’ പാട്ടിന്റെ നൃത്തസംവിധാനത്തിനാണ് ജാനി മാസ്റ്റര്ക്ക് ദേശിയ അവാര്ഡ് ലഭിച്ചത്.
ഷൈഖ് ജാനി ബാഷയ്ക്കെതിരേ ഉയര്ന്നിട്ടുള്ള ആരോപണത്തിന്റെ ഗൗരവവും നടപടികളും കണക്കിലെടുത്ത് അദ്ദേഹത്തിന് പ്രഖ്യാപിച്ച 2022-ലെ മികച്ച നൃത്തസംവിധായകനുള്ള ദേശീയ ചലച്ചിത്ര പുരസ്കാരം റദ്ദാക്കാന് തീരുമാനിച്ചതായി ഇന്ഫര്മേഷന് ആന് ബ്രോഡ്കാസ്റ്റിങ് മന്ത്രാലയും നാഷണല് ഫിലിം അവാര്ഡ് സെല് പുറത്തിറക്കിയ പ്രസ്താവനയില് അറിയിച്ചു. ഇതിനൊപ്പം ഒക്ടോബര് എട്ടിന് ന്യുഡല്ഹിയില് നടക്കുന്ന ദേശീയ ചലച്ചിത്ര പുരസ്കാരദാന ചടങ്ങിനുള്ള അദ്ദേഹത്തിന്റെ ക്ഷണം പിന്വലിച്ചതായും മന്ത്രാലയം അറിയിച്ചു.
എന്നാല്, ദേശീയ അവാര്ഡ് ദാനചടങ്ങില് പങ്കെടുക്കുന്നതിനായി കഴിഞ്ഞ ദിവസം ജാനി മാസ്റ്റര് ഇടക്കാല ജാമ്യം നേടി പുറത്തിറങ്ങിയിരുന്നു. ഇതിനുപിന്നാലെയാണ് ഐ ആന്ഡ് ബി മന്ത്രാലയത്തിന്റെ അറിയിപ്പ് പുറത്തുവരുന്നത്. ഇക്കഴിഞ്ഞ സെപ്റ്റംബര് 19-നാണ് സൈബരാബാദ് പോലീസ് ഗോവയില് വെച്ച് ജാനി മാസ്റ്ററിനെ അറസ്റ്റുചെയ്യുന്നത്. പീഡനാരോപണത്തെ തുടര്ന്ന് ഒളിവിലായ ഇയാളെ സൈബരാബാദ് സ്പെഷ്യല് ഓപ്പറേഷന്സ് ടീമാണ് അറസ്റ്റ് ചെയ്തത്.
TAGS : JANI MASTER | NATIONAL AWARD | CENTRAL GOVERNMENT
SUMMARY : Allegation of harassment; The central government has canceled the national award announced for Jani Master
