ബെംഗളൂരു: പുഞ്ചിലെ വാഹനാപകടത്തിൽ പരുക്കേറ്റ് ചികിത്സയിലായിരുന്ന കർണാടകയിൽ നിന്നുള്ള സൈനികൻ മരിച്ചു. കുടക് സ്വദേശി ദിവീൻ (28) ആണ് മരിച്ചത്. നേരത്തെ ഇതേ വാഹനാപകടത്തിൽ പെട്ട് ചികിത്സയിലായിരുന്ന രണ്ട് കർണാടക സ്വദേശികൾ മരണപ്പെട്ടിരുന്നു. ഡിസംബർ 24ന് ജമ്മു കശ്മീരിലെ പുഞ്ചിൽ വെച്ചാണ് അപകടമുണ്ടായത്. സൈനിക വാഹനം നിയന്ത്രണം വിട്ട് കീഴ്മേൽ മറിയുകയായിരുന്നു.
ശ്രീനഗറിലെ സൈനിക ആശുപത്രിയിൽ ചികിത്സയിൽ കഴിയുകയായിരുന്നു ദിവീൻ. മാതാപിതാക്കളുടെ ഏക മകനായ ദീവിൻ പത്തു വർഷം മുൻപാണ് സൈന്യത്തിൽ ചേർന്നത്. ഇക്കഴിഞ്ഞ ഫെബ്രുവരിയിൽ വിവാഹ നിശ്ചയം കഴിഞ്ഞിരുന്നു. ബെളഗാവിയിൽ നിന്നുള്ള സുബേദാർ ദയാനന്ദ് തിരകണ്ണവർ (44), കുന്ദാപ്പൂരിൽ നിന്നുള്ള ലാൻസ് ഹവൽദാർ അനൂപ് പൂജാരി (33), ബാഗൽകോട്ട് മഹാലിംഗ്പൂരിലെ മഹേഷ് മാരിഗോണ്ട് (25) എന്നിവർ എന്നിവരാണ് അപകടത്തിൽ നേരത്തെ മരണപ്പെട്ട കർണാടക സ്വദേശികൾ.
TAGS: KARNATAKA | DEATH
SUMMARY: Another soldier from Karnataka succumbs to injuries sustained in J&K accident
