ബെംഗളൂരു: ആന്ധ്രയിലെ പ്രധാന ക്ഷേത്രങ്ങളിൽ നെയ്യ് വിതരണത്തിന് പദ്ധതിയുമായി കർണാടക മിൽക്ക് ഫെഡറേഷൻ. നിലവിൽ സംസ്ഥാനത്തെ എല്ലാ ക്ഷേത്രങ്ങളിലും പ്രസാദത്തിന് നന്ദിനി നെയ്യ് നിർബന്ധമാക്കിയിട്ടുണ്ട്. എന്നാൽ മറ്റ് സംസ്ഥാനങ്ങളിലും നന്ദിനി ബ്രാൻഡ് വ്യാപിപ്പിക്കുകയെന്ന ലക്ഷ്യത്തോടെയാണ് ആന്ധ്രയിലെ ക്ഷേത്രങ്ങളിലും നന്ദിനി നെയ്യ് ലഭ്യമാക്കാൻ കെഎംഎഫ് പദ്ധതിയിടുന്നത്.
ഇത് സംബന്ധിച്ച് ആന്ധ്രാപ്രദേശ് ഡയറി ഡെവലപ്മെൻ്റ് കോഓപ്പറേറ്റീവ് ഫെഡറേഷൻ ലിമിറ്റഡ് (എപിഡിഡിസിഎഫ്) കർണാടക മിൽക്ക് ഫെഡറേഷനുമായി (കെഎംഎഫ്) ചർച്ച നടത്തിയതായി കെഎംഎഫ് മാനേജിംഗ് ഡയറക്ടർ ജഗദീഷ് പറഞ്ഞു. ചർച്ച വിജയകരമായാൽ നന്ദിനി നെയ്യിൽ നിന്നുള്ള പ്രസാദമായിരിക്കും ആന്ധ്രാപ്രദേശിലെ ക്ഷേത്രങ്ങളിലും ലഭ്യമാക്കുകയെന്ന് അദ്ദേഹം പറഞ്ഞു.
ആന്ധ്ര സർക്കാരുമായി ഇക്കാര്യത്തിൽ ധാരണയായാൽ പ്രതിമാസം 150 മെട്രിക് ടൺ നന്ദിനി നെയ്യ് അധികമായി ഉത്പാദിപ്പിക്കേണ്ടിവരും. ഇതര സംസ്ഥാനങ്ങളിലേക്ക് നെയ്യ് എത്തിക്കുന്ന ബഹുമതിയും കെഎംഎഫിന് ലഭിക്കും.
TAGS: KARNATAKA | KMF
SUMMARY: KMF in talks to supply ghee to all major temples in Andhra Pradesh
