ബെംഗളൂരു: കർണാടകയിൽ കനത്ത മഴ തുടരുന്നു. അടുത്ത അഞ്ച് ദിവസത്തേക്ക് തീരാദേശ കർണാടകയിലെ ജില്ലകളിൽ കാലാവസ്ഥ നിരീക്ഷണ കേന്ദ്രം (ഐഎംഡി) യെല്ലോ അലർട്ട് പ്രഖ്യാപിച്ചു. തീരദേശ ജില്ലകളിൽ വ്യാപകമായ മഴയ്ക്ക് സാധ്യതയുണ്ടെന്നും ജനങ്ങൾ ജാഗ്രത പാലിക്കണമെന്നും ഐഎംഡി മുന്നറിയിപ്പ് നൽകി.
ഉത്തര കന്നഡ, ഉഡുപ്പി, ദക്ഷിണ കന്നഡ ജില്ലകളിലാണ് യെല്ലോ അലർട്ട് പ്രഖ്യാപിച്ചിട്ടുള്ളത്. അടുത്ത അഞ്ച് ദിവസങ്ങളിൽ കർണാടകയിലുടനീളം മഴയുടെ തീവ്രത കുറയാൻ സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രത്തിന്റെ ബെംഗളൂരു ഡിവിഷൻ ഡയറക്ടർ സി.എസ്. പാട്ടീൽ പറഞ്ഞു. ജൂലൈ 25 വരെ തീരദേശ ജില്ലകളിൽ വ്യാപകമായ മഴയ്ക്ക് സാധ്യതയുണ്ട്.
ബെലഗാവി, ബീദർ, കലബുർഗി, യാദ്ഗിർ, ശിവമോഗ, ചിക്കമഗളൂരു, കുടക് ജില്ലകളിൽ ഒറ്റപ്പെട്ട കനത്ത മഴയ്ക്ക് സാധ്യതയുണ്ട്. ബെംഗളൂരുവിൽ ജൂലൈ 25 വരെ ഒറ്റപ്പെട്ട നേരിയ മഴയ്ക്കാണ് സാധ്യത.
TAGS: KARNATAKA | RAIN UPDATES
SUMMARY: Heavy rain to lash in karnataka, yellow alert declared
