ബെംഗളൂരു: കാർ കർണാടക ആർടിസി ബസുമായി കൂട്ടിയിടിച്ച് അപകടം. സംഭവത്തിൽ ഒരു കുടുംബത്തിലെ നാല് പേർ മരിച്ചു. ഞായറാഴ്ച പുലർച്ചെ ഗദഗ് നരഗുണ്ടിലെ കൊന്നൂർ ഗ്രാമത്തിന് സമീപമാണ് സംഭവം. ഹുബ്ബള്ളി-ബാഗൽകോട്ട് ഹൈവേയിൽ വെച്ച് എൻഡബ്ല്യൂകെആർടിസി (നോര്‍ത്ത് വെസ്റ്റേണ്‍ കര്‍ണാടക റോഡ് ട്രാന്‍സ്പോര്‍ട്ട് കോര്‍പ്പറേഷന്‍) ബസും കാറും കൂട്ടിയിടിക്കുകയായിരുന്നു.
ഗദഗ് സ്വദേശികളായ രുദ്രപ്പ അങ്ങാടി (55), രാജേശ്വരി (45), മക്കളായി ഐശ്വര്യ (16), വിജയ് (12) എന്നിവരാണ് മരിച്ചത്. രുദ്രപ്പയുടെ കുടുംബം കല്ലൂർ ബസവേശ്വര ക്ഷേത്രത്തിലേക്ക് പോവുകയായിരുന്നെന്നും, ബസ് ഓവർടേക്ക് ചെയ്യുന്നതിനിടെ ബസുമായി കൂട്ടിയിടിക്കുകയായിരുന്നുവെന്ന് പോലീസ് പറഞ്ഞു. സംഭവത്തിൽ നരഗുണ്ട് പോലീസ് കേസെടുത്ത് അന്വേഷണം ആരംഭിച്ചു.
TAGS: KARNATAKA | ACCIDENT
SUMMARY: Four of a family dies after car collides with nwkrtc bus
