ബെംഗളൂരു: കർണാടകയിൽ അടുത്ത നാല് ദിവസത്തേക്ക് കനത്ത മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. ജൂലൈയിൽ ഇതുവരെ തീരപ്രദേശങ്ങളിലും പശ്ചിമഘട്ട മേഖലകളിലും കനത്ത മഴ ലഭിച്ചതായി ഐഎംഡി ഡയറക്ടർ സി.എസ്. പാട്ടീൽ പറഞ്ഞു. ജൂലൈ 3ന് മാത്രം ജില്ലയിൽ 34 മില്ലിമീറ്റർ മഴ രേഖപ്പെടുത്തിയിട്ടുണ്ട്.
അതേസമയം ജൂലൈ 12 വരെ ബെംഗളൂരു ഉൾപ്പെടെയുള്ള ജില്ലകളിൽ ഒറ്റപ്പെട്ട മഴ ലഭിക്കുമെന്ന് കർണാടക സംസ്ഥാന പ്രകൃതി ദുരന്ത നിരീക്ഷണ കേന്ദ്രം (കെഎസ്എൻഡിഎംസി) അറിയിച്ചു. വ്യാഴാഴ്ച സംസ്ഥാനത്തെ വിവിധയിടങ്ങളിൽ ഒറ്റപ്പെട്ട മഴ ലഭിച്ചിരുന്നു. ശൃംഗേരി മുതൽ ശിവമോഗ വരെയുള്ള കാലാവസ്ഥ വരും ദിവസങ്ങളിൽ മോശമായിരിക്കും. തീരദേശ ജില്ലകളിൽ മത്സ്യബന്ധനത്തിന് പോകുന്നവർ ജാഗ്രത പാലിക്കണമെന്ന് ഐഎംഡി മുന്നറിയിപ്പ് നൽകിയിട്ടുണ്ട്.
TAGS: KARNATAKA | RAIN UPDATES
SUMMARY: Heavy rains to lash in parts of state for four days
