ബെംഗളൂരു: കർണാടകയിൽ ഏപ്രിൽ 5 വരെ വേനൽചൂട് വർധിക്കാൻ സാധ്യതയുണ്ടെന്ന് കാലാവസ്ഥ നിരീക്ഷണ വകുപ്പിന്റെ (ഐഎംഡി) റിപ്പോർട്ട്‌. വടക്കൻ കർണാടക ജില്ലകളിൽ താപനില 40 മുകളിൽ ആയിരിക്കുമെന്ന് സംസ്ഥാനത്തുടനീളം വരണ്ട കാലാവസ്ഥ അനുഭവപ്പെടുമെന്നും ഐഎംഡി മുന്നറിയിപ്പ് നൽകി.
എന്നാൽ ഏപ്രിൽ 6 മുതൽ 8 വരെ കർണാടകയിലെ വിവിധ ജില്ലകളിൽ ഒറ്റപ്പെട്ട മഴയ്ക്ക് സാധ്യതയുണ്ട്. ബാഗൽകോട്ട്, കലബുർഗി, വിജയപുര, യാദ്ഗിർ, റായ്ച്ചൂർ, ബെല്ലാരി, ബെൽഗാം, കോപ്പാൾ, ഗദഗ് ജില്ലകളിൽ താപനില 42ന് മുകളിലായിരിക്കും.
എന്നാൽ ഏപ്രിൽ 6ന് ദക്ഷിണ കന്നഡ, ഉഡുപ്പി, ബീദർ, കലബുർഗി, കുടക്, മാണ്ഡ്യ, മൈസൂരു ജില്ലകളിൽ ഒറ്റപ്പെട്ട നേരിയ മഴയ്ക്ക് സാധ്യതയുണ്ടെന്ന് ഐഎംഡി അറിയിച്ചു. ബെംഗളൂരു അർബനിൽ, അടുത്ത 48 മണിക്കൂർ വരെ താപനില യഥാക്രമം 36 ഡിഗ്രി സെൽഷ്യസിന് താഴെ ആയിരിക്കും
The post കർണാടകയിൽ വേനൽചൂട് വർധിക്കുമെന്ന് റിപ്പോർട്ട്‌ appeared first on News Bengaluru.
Powered by WPeMatico
