ബെംഗളൂരു : ദസറ അവധിയോടനുബന്ധിച്ചു യാത്രാത്തിരക്ക് പരിഗണിച്ച് കേരളത്തിലേക്കുൾപ്പെടെ 2660 സ്പെഷ്യല്‍ ബസ് സർവീസുകൾ പ്രഖ്യാപിച്ച് കർണാടക ആർ.ടി.സി. ഒക്ടോബർ 9 മുതൽ 14 വരെയാണ് സർവീസ് നടത്തുക.
ഹൈദരാബാദ്, ചെന്നൈ, ഊട്ടി, സേലം, തിരുച്ചിറപ്പള്ളി, പുതുക്കോട്ടെ, മധുര, പനാജി, ശിർദി, പുണെ, എറണാകുളം, പാലക്കാട്, എന്നിവിടങ്ങളിലേക്ക് സ്പെഷ്യല്‍ സര്‍വീസുകളുണ്ടാകും ധർമസ്ഥല, ശൃംഗേരി, ഹൊരനാട്, ശിവമോഗ, മടിക്കേരി, മംഗളൂരു, ദാവനഗരെ, ഗോകർണ, കൊല്ലൂർ, ധാർവാഡ്, ബെലഗാവി, വിജയപുര, കാർവാർ, ബല്ലാരി, ഹൊസപേട്ട്, കലബുറഗി എന്നി സംസ്ഥാനത്തിനകത്തെ വിവിധ സ്ഥലങ്ങളിലേക്കും സർവീസുകളുണ്ടാകും. ബെംഗളൂരു കെംപെഗൗഡ ബസ് സ്റ്റേഷൻ, ശാന്തിനഗർ ബി.എം.ടി.സി. ബസ് സ്റ്റേഷൻ, മൈസൂരു റോഡ് ബസ് സ്റ്റേഷൻ എന്നിവിടങ്ങളിൽനിന്നാണ് ബസുകള്‍ പുറപ്പെടുക.
ബെംഗളൂരു വിമാനത്താവളത്തിൽനിന്ന് മൈസൂരുവിലേക്ക് നേരിട്ടുള്ള ഫ്ലൈ ബസ് സർവീസുമുണ്ടാകും.
<br>
TAGS : DASARA | KSRTC, | SPECIAL BUS
SUMMARY : Dasara Holiday: Karnataka RTC 2660 special services announced
