ബെംഗളൂരു: ചിക്കൊടിയിൽ ബസും കാറും കൂട്ടിയിടിച്ച് രണ്ട് വയസുകാരൻ ഉൾപ്പെടെ നാല് പേർക്ക് ദാരുണാന്ത്യം. ഭരമസാഗര താലൂക്കിലെ ചിക്കബെന്നൂർ വില്ലേജിന് സമീപമാണ് സംഭവം. ബെംഗളൂരു തനിസാന്ദ്ര സ്വദേശികളായ പ്രജ്വല് റെഡ്ഡി (30), ഹർഷിത (28), നൊഹൻ (2), വിജയ് റെഡ്ഡി എന്നിവരാണ് മരിച്ചത്. അമിത വേഗത്തിലെത്തിയ സ്വകാര്യ ബസ് എസ്.യു.വി. കാറിലിടിക്കുകയായിരുന്നു.
എസ്യുവിയിലുണ്ടായിരുന്നവർ ബെംഗളൂരുവിൽ നിന്ന് ഗോവയിലേക്ക് പോകുന്നതിനിടെയാണ് അപകടമുണ്ടായത്. സംഭവത്തിൽ ബസിലുണ്ടായിരുന്ന അഞ്ച് യാത്രക്കാർക്ക് പരുക്കേറ്റു. ഇവരെ സമീപത്തെ ആശുപത്രിയിലേക്ക് മാറ്റി. ചിത്രദുർഗ എസ്പി ധർമേന്ദ്ര കുമാറിന്റെ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തുകയും കേസെടുക്കുകയും ചെയ്തു.
TAGS: ACCIDENT| KARNATAKA
SUMMARY: Four dies after bus collides with suv car
