ബെംഗളൂരു: ബെംഗളൂരു – മൈസൂരു എക്സ്പ്രസ് വേയിലെ സർവീസ് റോഡിലുണ്ടായ വാഹനാപകടത്തിൽ മൂന്ന് മരണം. നിർമാണത്തൊഴിലാളികളായ ഗുരുമൂർത്തി (39), ഷെയ്ഖ് ഹഫീസ് (45), വെങ്കിടേഷ് (50) എന്നിവരാണ് മരിച്ചത്. വെള്ളിയാഴ്ച പുലർച്ചെ രാമനഗര താലൂക്കിലെ മായഗനഹള്ളിക്ക് സമീപമുള്ള സർവീസ് റോഡിലാണ് സംഭവം.
ബൈക്കും ലോറിയും കൂട്ടിയിടിച്ചാണ് അപകടമുണ്ടായത്. ഗുരുതരമായി പരുക്കേറ്റ ഹനുമന്തിനെ രാമനഗര ജില്ലാ ആശുപത്രിയിൽ പ്രവേശിപ്പിച്ചു. നിർമാണ ജോലികൾക്കായി രാമനഗരയിൽ നിന്ന് ബിഡദിയിലേക്ക് പോവുകയായിരുന്ന ബൈക്കിലേക്ക് ലോറി ഇടിക്കുകയായിരുന്നു. ഒറ്റ ബൈക്കിലാണ് നാല് പേരും സഞ്ചരിച്ചിരുന്നത്. മൂന്ന് പേരും സംഭവസ്ഥലത്ത് വെച്ച് തന്നെ മരിച്ചു. സംഭവത്തിൽ രാമനഗര ട്രാഫിക് പോലീസ് കേസെടുത്തു.
TAGS: BENGALURU | ACCIDENT
SUMMARY: Three dies in fatal accident at bengaluru – mysuru expressway
