ബെംഗളൂരു: മുണ്ട് ധരിച്ചെത്തിയ കർഷകന് പ്രവേശനം നിഷേധിച്ച മാളിനെതിരെ നടപടി സ്വീകരിച്ച് സംസ്ഥാന സർക്കാർ. ബെംഗളൂരുവിലെ ജിടി വേൾഡ് മാളിനെതിരെയാണ് നടപടി. മാൾ അടുത്ത ഏഴ് ദിവസത്തേക്ക് താൽക്കാലികമായി അടച്ചിടണമെന്ന് സർക്കാർ ഉത്തരവിട്ടു.
കഴിഞ്ഞ ദിവസമാണ് മുണ്ട് ധരിച്ചെത്തിയ കർഷകനെയും മകനെയും മാൾ സുരക്ഷ ജീവനക്കാർ പ്രവേശനം നൽകാതെ തടഞ്ഞത്. ഇത്തരം വേഷം ധരിച്ചവരെ മാളിൽ പ്രവേശിപ്പിക്കില്ലെന്നായിരുന്നു സുരക്ഷ ജീവനക്കാരുടെ വാദം.
കർഷകനെ അപമാനിച്ച സംഭവം അന്തസ്സിൻ്റെയും ആത്മാഭിമാനത്തിൻ്റെയും ലംഘനമാണെന്നും സർക്കാർ വിശേഷിപ്പിച്ചു. വിഷയത്തിൽ ബിബിഎംപി കമ്മീഷണറുമായി കൂടിയാലോചിച്ചാണ് തീരുമാനം എടുത്തതെന്ന് മുഖ്യമന്ത്രി സിദ്ധരാമയ്യ പറഞ്ഞു. അടുത്ത ഏഴ് ദിവസം മാൾ പ്രവർത്തിക്കില്ലെന്ന് ബിബിഎംപി ഉറപ്പ് വരുത്തുമെന്നും അദ്ദേഹം പറഞ്ഞു. സംഭവത്തിൽ കെപി അഗ്രഹാര പോലീസ് സ്റ്റേഷനിൽ മാൾ മാനേജ്മെൻ്റിനെതിരെ എഫ്ഐആർ രജിസ്റ്റർ ചെയ്തിട്ടുണ്ട്.
TAGS: BENGALURU UPDATES | FARMER | ENTRY DENIED
SUMMARY: Karnataka govt. orders closure of mall for 7 days for denying entry to farmer over his attire
