ബെംഗളൂരു: എഴുത്തുകാരനും സംവിധായകനുമായ അനിൽ തിരുമംഗലത്തിന്റെ ഒമ്പത് ഏകപാത്ര നാടകങ്ങളുടെ സമാഹാരം ‘ഏകം’ നോവലിസ്റ്റും വിവർത്തകനുമായ സുധാകരൻ രാമന്തളി എച്ച്എഎൽ എയർപോർട്ട് ഡെപ്യൂട്ടി ജനറൽ മാനേജർ വി ജെ സതീഷ് ചന്ദ്രന് നല്കി പ്രകാശനം ചെയ്തു.
നടനും എഴുത്തുകാരനും സംവിധായകനുമായ ജോസഫ് നീനാസം മുഖ്യപ്രഭാഷണം നടത്തി. കവി അനിൽ മിത്രാനന്ദപുരം ആശംസകൾ പറഞ്ഞു. ഗ്രന്ഥകാരൻ മറുപടിപ്രസംഗം നടത്തി. തുടർന്ന് ലോക്ക് ഡൌൺ ആർട്ട് വർക്സിന്റെ ബാനറിൽ അനിൽ തിരുമംഗലം രചനയും സംവിധാനവും നിർവ്വഹിച്ച് ശുഭ ദിനേശ് അഭിനയിക്കുന്ന ഏകപാത്രനാടകം ‘അധിവാസം’ അരങ്ങേറി. ബെംഗളൂരുവിലെ പ്രമുഖ എഴുത്തുകാരും കലാപ്രവർത്തകരും പങ്കെടുത്തു.
SUMMARY: ‘Ekam’ drama collection released
