ഡല്ഹി: ഒടുവില് സമരക്കാർക്ക് വഴങ്ങി കേന്ദ്രസർക്കാർ. നീറ്റ് ചോദ്യപേപ്പർ ചോർച്ചയില് കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവയ്ക്കണമെന്നാവശ്യപ്പെട്ട് സിജെപിയുടെ നേതൃത്വത്തില് സമരം ശക്തമാകുന്നതിനിടെയാണ് കേന്ദ്രസർക്കാർ സമരക്കാരെ ചർച്ചയ്ക്ക് വിളിച്ചത്. സമരക്കാർ ചർച്ചയ്ക്ക് തയാറാകണമെന്ന് കേന്ദ്രമന്ത്രി ജിതേന്ദ്ര സിംഗ് ആവശ്യപ്പെട്ടു.
ചർച്ചകളിലൂടെ മാത്രമേ പ്രശ്നങ്ങള് പരിഹരിക്കാനാകൂ എന്നും ജെ.പി. നദ്ദയുടെ ഓഫീസിലോ വസതിയിലോ ചർച്ച നടത്താമെന്നും ജിതേന്ദ്ര സിംഗ് പറഞ്ഞു. സമരക്കാർ ആവശ്യപ്പെടുന്ന സ്ഥലത്ത് ചർച്ച നടത്താമെന്നാണ് കേന്ദ്രസർക്കാരിന്റെ നിലപാട്. അതേസമയം സമരം ശക്തമായതിന് പിന്നാലെ ഡല്ഹിയില് കേന്ദ്രസർക്കാർ നിയന്ത്രണങ്ങള് കടുപ്പിക്കുന്നുണ്ട്. കൊണാട്ട് പ്ലെയിസിലെ കെട്ടിടങ്ങള് വൈകിട്ട് 6.30 ന് അടയ്ക്കണമെന്ന് നിർദേശമുണ്ട്.
അതേസമയം, അമിത് ഷായും ജിതേന്ദ്ര സിംഗും തമ്മില് കൂടിക്കാഴ്ച്ച നടക്കുകയാണ്. ഇതിനിടെ ഡല്ഹിയില് നിയന്ത്രണങ്ങള് വീണ്ടും കടുപ്പിക്കുകയാണ് പോലീസ്. കൊണാട്ട് പ്ലെയിസിലെ കെട്ടിടങ്ങള് വൈകിട്ട് 6.30 ന് അടക്കണമെന്ന് പോലീസ് നിർദ്ദേശം നല്കി. എൻഡിഎംസി ചെയർമാൻ്റേതാണ് നിർദ്ദേശം. സിജെപി സമരം കണക്കിലെടുത്താണ് നിയന്ത്രണം.
പ്രതിഷേധത്തിനിടെ പരുക്കേറ്റ യുവതിയുടെ ആരോഗ്യ നില ഗുരുതരമായി തുടരുകയാണ്. സിജെപി സമരത്തില് വിദേശഫണ്ട് എത്തുന്ന ആരോപണത്തില് എൻഐഎ അന്വേഷണം ആവശ്യപ്പെട്ടുള്ള ഹർജി ഡല്ഹി ഹൈക്കോടതി നാളെ പരിഗണിക്കും.
SUMMARY: Ready for talks with protesters anytime, anywhere; Central Government makes another move towards reconciliation
