ബെംഗളൂരു: മലയാളി യുവ എഞ്ചിനീയർ ബെംഗളൂരുവില് ഹൃദയാഘാതത്തെ തുടർന്ന് അന്തരിച്ചു. കാസറഗോഡ് നെക്രാജെ ബാലടുക്ക വീട്ടിൽ ബാലകൃഷ്ണന്റെ മകൻ ജ്യോതിഷ് ബി.ടി. (26) ആണ് മരിച്ചത്. ദേവനഹള്ളിയിലെ സ്വകാര്യ കമ്പനിയിൽ ഇലക്ട്രോണിക് എഞ്ചിനീയറായി ജോലി ചെയ്തു വരികയായിരുന്നു ജ്യോതിഷ്. ബാബാനഗർ കട്ടിങ്ങെനെഹള്ളിയിലെ താമസ സ്ഥലത്ത് വെച്ച് ബുധനാഴ്ച രാവിലെ ജോലിക്ക് പോകവെ ദേഹാസ്വാസ്ഥ്യം അനുഭവപ്പെടുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
എഐകെഎംസിസി ബെംഗളുരു പ്രവർത്തകരുടെ നേതൃത്വത്തിൽ യെലഹങ്ക മണിപ്പാൽ ആശുപത്രിയിൽ പോസ്റ്റ്മോർട്ടം നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോയി.
മാതാവ്: മല്ലിക. സഹോദരങ്ങള് : മനീഷ, കാവ്യ, ദിവ്യ
