തിരുവനന്തപുരം: തദ്ദേശ തിരഞ്ഞെടുപ്പിന്റെ പശ്ചാത്തലത്തില് സംസ്ഥാനത്ത് വോട്ടെടുപ്പിന് മൂന്ന് ദിവസം മുമ്പ് മദ്യവില്പന നിരോധിച്ച് ഉത്തരവിറക്കി. പോളിംഗ് ദിനം ഉള്പ്പെടെ തുടർച്ചയായ മൂന്ന് ദിവസമാണ് മദ്യനിരോധനം ഏർപ്പെടുത്തിയിരിക്കുന്നത്.
ആദ്യഘട്ട പോളിംഗ് നടക്കുന്ന തെക്കൻ ജില്ലകളില് ഡിസംബർ 7 മുതല് 9 വരെയാണ് ഡ്രൈ ഡേ പ്രഖ്യാപിച്ചിരിക്കുന്നത്. അതുപോലെ, ഡിസംബർ 11ന് പോളിംഗ് നടക്കുന്ന വടക്കൻ ജില്ലകളില് ഡിസംബർ 9 മുതല് 11 വരെയുള്ള ദിവസങ്ങളിലായിരിക്കും മദ്യവില്പനയ്ക്ക് വിലക്ക്. ഇതിനു പുറമെ, വോട്ടെണ്ണല് ദിവസം സംസ്ഥാനം മുഴുവൻ ഡ്രൈ ഡേ ആയിരിക്കും.
തിരഞ്ഞെടുപ്പ് തീയതി അടിസ്ഥാനമാക്കി, അതിർത്തി സംസ്ഥാങ്ങളായ തമിഴ്നാട്, കർണാടക, പുതുച്ചേരി എന്നിവിടങ്ങളിലെ ചീഫ് സെക്രട്ടറിമാരോട്, അതിർത്തിയില് നിന്നും 3 കിലോമീറ്റർ ചുറ്റളവില് സമാനമായ മദ്യ നിരോധനം ഏർപ്പെടുത്തുന്നതിന് അഭ്യർത്ഥിച്ചുകൊണ്ട് സംസ്ഥാന സർക്കാർ കത്ത് നല്കിയിട്ടുണ്ട്.
SUMMARY: Local body elections; 4 dry days in the state
