മോങ്ടണ്: കാനഡയിലെ പ്രിൻസ് എഡ്വേർഡ് ഐലൻഡില് ജോലി ചെയ്തിരുന്ന മലയാളി യുവാവിനെ മരിച്ച നിലയില് കണ്ടെത്തി. തൊടുപുഴ ഒളമറ്റം അഞ്ജനവേലില് പീറ്ററിന്റെയും ബിന്ദുവിന്റെയും മകൻ വർക്കി (23) ആണ് മരിച്ചത്. ന്യൂ ബ്രണ്സ്വിക്കിലെ മോങ്ടണില് വെച്ചാണ് മരണം. ക്രിസ്മസ് ആഘോഷങ്ങള്ക്കായി സുഹൃത്തുക്കളോടൊപ്പം മോങ്ടണില് എത്തിയതായിരുന്നു വർക്കി.
ഹൃദയാഘാതമാണ് മരണകാരണമെന്നാണ് പ്രാഥമിക സൂചന. കാനഡയില് ജോലി ചെയ്തുവരികയായിരുന്നു വർക്കി. തൊടുപുഴ ഒളമറ്റം നെറ്റടിയില് കുടുംബാംഗമാണ് മാതാവ് ബിന്ദു. തുടർനടപടികള് പൂർത്തിയാക്കി മൃതദേഹം നാട്ടിലെത്തിക്കാനുള്ള ശ്രമങ്ങള് നടന്നു വരികയാണ്.
SUMMARY: 23-year-old Malayali youth found dead in Canada
