ബെംഗളൂരു: കേരളത്തിൽ നിന്നും കർണാടകയിലെ ഹംപി സന്ദർശിക്കാൻ എത്തിയ വിദ്യാർഥികളുടെ സംഘം സഞ്ചരിച്ച ബസ് അപകടത്തിൽപ്പെട്ട് 8 പേർക്ക് പരുക്കേറ്റു. ചിത്രദുർഗ- ഹൊസ്പേട്ട് പാതയിലെ കുട്ലിഗയിൽ ഇന്ന് രാവിലെ ആറുമണിക്കാണ് അപകടം ഉണ്ടായത്. ഗുരുവായൂർ ശ്രീകൃഷ്ണ കോളേജിലെ ബി എ സംസ്കൃതത്തിലെ 32 അംഗ വിദ്യാർഥി സംഘം സഞ്ചരിച്ച ടൂറിസ്റ്റ് ബസ്സാണ് അപകടത്തിൽപ്പെട്ടത്. നിയന്ത്രണം വിട്ട ബസ് തലകീഴായി മറിയുകയായിരുന്നു. വിദ്യാർഥികളായ അതുല്യ, അതുൽ കൃഷ്ണൻ, ആവണി, അനുഗ്രഹ, അജയ്, അധ്യാപിക ലക്ഷ്മി ശങ്കർ എന്നിവർക്കാണ് പരുക്കേറ്റത്. ഇതിൽ രണ്ടുപേർക്ക് ഗുരുതരമായി പരുക്കേറ്റു. പരുക്കേറ്റവരെ ബെല്ലാരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ഇന്നലെ കേരളത്തിൽ നിന്ന് ട്രെയിനിൽ പുറപ്പെട്ട സംഘം മംഗളൂരുവിൽ വച്ചാണ് സ്വകാര്യ ടൂറിസ്റ്റ് ബസ്സിൽ ഹംപിയിലേക്ക് പുറപ്പെട്ടത്. വിവരമറിഞ്ഞ് അപകട സ്ഥലത്തെത്തിയ ബെല്ലാരി കേരള കൾച്ചർ സെന്റർ, കെഎൻഎസ്എസ് ബെല്ലാരി കരയോഗം ഭാരവാഹികൾ ചികിത്സ നടപടികൾക്ക് നേതൃത്വം നൽകി.
SUMMARY:Bus carrying student group from Kerala to visit Hampi meets with accident. 8 injured
