പാലക്കാട്: ഒറ്റപ്പാലത്ത് ഓടിക്കൊണ്ടിരുന്ന സ്വകാര്യ ബസിന് തീപിടിച്ചു. നിറയെ യാത്രക്കാരുമായി ഓടിക്കൊണ്ടിരുന്ന സ്വകാര്യ ബസിനാണ് തീപിടിച്ചത്. യാത്രക്കാർ തലനാരിഴക്കാണ് രക്ഷപ്പെട്ടത്. ഒറ്റപ്പാലത്ത് എത്തിയപ്പോഴാണ് ബസില് നിന്നും തീയും പുകയും ഉയരുന്നതായി നാട്ടുകാർ കണ്ടത്. തുടർന്ന് വണ്ടി തടഞ്ഞ് നിർത്തുകയായിരുന്നു.
നാട്ടുകാരുടെ സഹായത്തോടെ യാത്രക്കാരെ ബസില് നിന്നും പൂർണമായും പുറത്തിറക്കാൻ കഴിഞ്ഞതിനാല് വൻ ദുരന്തം ഒഴിവായി. പാലക്കാട് – ഗുരുവായൂർ റൂട്ടില് സർവിസ് നടത്തുന്ന ‘അമ്പാടി കണ്ണൻ’ ബസിനാണ് തീപിടിച്ചത്. വൈകുന്നേരം 6.45ഓടെയാണ് സംഭവം. ബസിന്റെ അടിയില്നിന്ന് തീയും പുകയും ഉയരുകയായിരുന്നു.
പഞ്ചാബ് നാഷനല് ബാങ്കിന്റെ ഒറ്റപ്പാലം ശാഖക്ക് സമീപമുള്ള പെട്രോള് പമ്പിലെ ജീവനക്കാരുടെ അവസരോചിത ഇടപെടല് അനുഗ്രഹമായി. പമ്പില് സൂക്ഷിച്ചിരുന്ന അഗ്നിശമന ഉപകരണം പ്രയോഗിച്ചതിനാല് അഗ്നി പടരുന്നത് ഒഴിവാക്കാനായി. ഡീസല് പൈപ്പ് പൊട്ടിയതാകാം തീ പിടിത്തതിന് കാരണമെന്നാണ് പ്രാഥമിക നിഗമനം.
SUMMARY: A private bus caught fire while it was running; passengers barely escaped
WhatsApp
Telegram
