തിരുവനന്തപുരം: ചെങ്കോട്ടുകോണത്ത് സ്കൂൾവളപ്പിൽ വൻ തീപ്പിടിത്തം. ചെങ്കോട്ടുകോണം തുണ്ടത്തിൽ മാധവവിലാസം സ്കൂളിലാണ് വൻ അഗ്നിബാധയുണ്ടായത്. സ്കൂൾവളപ്പിൽ നിർത്തിയിട്ടിരുന്ന ബസുകൾക്കാണ് തീപ്പിടിച്ചത്. മൂന്ന് സ്കൂൾബസുകൾ പൂർണമായും ഒരുബസ് ഭാഗികമായും കത്തിനശിച്ചു.തിങ്കൾ പുലർച്ചെ 2.45ഓടെയാണ് അപകടമുണ്ടായത്.
സംഭവസമയത്ത് സ്കൂളില് ഒരു സെക്യൂരിറ്റി മാത്രമാണുണ്ടായിരുന്നത്. തീ ആളിപ്പടരുന്നതുകണ്ട് അയല്ക്കാരാണ് ഫയര്ഫോഴ്സില് വിവരമറിയിച്ചത്. തുടർന്ന് കഴക്കൂട്ടം, ചാക്ക എന്നിവിടങ്ങളില് നിന്നുള്ള ഫയര്ഫോഴ്സ് സംഘമെത്തി തീയണയ്ക്കുകയായിരുന്നു. തീപ്പിടിത്തത്തിന്റെ കാരണം വ്യക്തമല്ല.
രണ്ട് വലിയ ബസുകളും ഒരു ട്രാവലറുണ് കത്തി നശിച്ചത്. മറ്റൊരു വലിയ ബസ് ഭാഗികമായും കത്തി. പോലീസും സ്ഥലത്തെത്തി. സിസിടിവി ദൃശ്യങ്ങളടക്കം കേന്ദ്രീകരിച്ചാണ് പരിശോധന. ഗ്രൗണ്ടിന്റെ മറ്റൊരു വശത്തുണ്ടായിരുന്ന ട്രാവലർ വലിയ ബസുകളിലേക്ക് ഇടിച്ചുകയറിയ നിലയിലാണ് കണ്ടെതെന്ന് സ്കൂളിലെ സെക്യൂരിറ്റി വ്യക്തമാക്കി.
SUMMARY: Fire in Thiruvananthapuram; Buses parked in the school grounds were burnt
