മലപ്പുറം: സിപിഎം സംസ്ഥാന കമ്മിറ്റി അംഗവും മലപ്പുറം മുൻ ജില്ലാ സെക്രട്ടറിയുമായ മുതിർന്ന നേതാവ് ഇ.എൻ മോഹൻദാസ് (74) അന്തരിച്ചു. പക്ഷാഘാതത്തെ തുടർന്ന് പെരിന്തല്മണ്ണ ഇ.എം.എസ് ആശുപത്രിയില് ചികിത്സയില് കഴിയവേയായിരുന്നു അന്ത്യം. ദീർഘകാലം ദേശാഭിമാനി മലപ്പുറം യൂണിറ്റ് മാനേജരായും അദ്ദേഹം സേവനമനുഷ്ഠിച്ചിട്ടുണ്ട്.
പൊതുപ്രവർത്തന രംഗത്തെ മാതൃകാപരമായ നിലപാടുകള് ഉയർത്തിപ്പിടിച്ച അദ്ദേഹം, തന്റെ മൃതദേഹം പഠനാവശ്യങ്ങള്ക്കായി മഞ്ചേരി മെഡിക്കല് കോളേജിന് വിട്ടുനല്കണമെന്ന ആഗ്രഹം പ്രകടിപ്പിച്ചിരുന്നു. മലപ്പുറത്തെ പാർട്ടി കെട്ടിപ്പടുക്കുന്നതില് നിർണ്ണായക പങ്കുവഹിച്ച പ്രിയ നേതാവിന്റെ വിയോഗത്തില് രാഷ്ട്രീയ കേരളം അനുശോചനം രേഖപ്പെടുത്തി.
SUMMARY: Senior CPM leader E.N. Mohandas passes away
