കൊച്ചി: എൻഡിഎയുടെ പ്രചാരണ പരിപാടികള്ക്കും വിവിധ പരിപാടികളുടെ ഉദ്ഘാടനത്തിനുമായി പ്രധാനമന്ത്രി നരേന്ദ്രമോദി കേരളത്തിലെത്തി. നെടുമ്പാശ്ശേരി വിമാനത്താവളത്തിലെത്തിയ മോദി ഹെലികോപ്റ്ററില് നാവിക സേന വിമാനത്താവളത്തിലേക്ക് പുറപ്പെട്ടു. അവിടെ നിന്നും മറൈൻ ഡ്രൈവിലുള്ള ആദ്യപരിപാടിയിലേക്ക് പങ്കെടുക്കാൻ പുറപ്പെടും.
ഉച്ചയ്ക്ക് 1.30ന് കലൂർ ജവഹർലാല് നെഹ്റു അന്താരാഷ്ട്ര സ്റ്റേഡിയം വളപ്പില് നടക്കുന്ന ചടങ്ങില് 10,800 കോടി രൂപയുടെ വികസന പദ്ധതികളുടെ ഉദ്ഘാടനവും തറക്കല്ലിടലും നിർവഹിക്കും. കലൂർ ജവഹർലാല് നെഹ്റു അന്താരാഷ്ട്ര സ്റ്റേഡിയം വളപ്പില് പന്തലില് എൻ.ഡി.എ പൊതുസമ്മേളനത്തില് പ്രസംഗിക്കും. യോഗത്തിന് മുമ്പ് സ്റ്റേഡിയം കവാടം മുതല് പന്തല് വരെ റോഡ്ഷോയില് പങ്കെടുക്കും.
എൻ.ഡി.എയുടെ തിരഞ്ഞെടുപ്പ് പ്രചാരണത്തിന് തുടക്കം കുറിക്കുന്ന യോഗത്തില് ബി.ജെ.പി സംസ്ഥാന പ്രസിഡന്റ് രാജീവ് ചന്ദ്രശേഖർ ഉള്പ്പെടെ നേതാക്കള് പങ്കെടുക്കും. അതേസമയം, പ്രധാനമന്ത്രിയുടെ സന്ദർശനത്തിൻ്റെ പശ്ചാത്തലത്തില് കൊച്ചിയില് 5 കോണ്ഗ്രസ് നേതാക്കളെ പോലീസ് കരുതല് കസ്റ്റഡിയിലെടുത്തു. കെ പി സി സി സെക്രട്ടറി തമ്പി സുബ്രഹ്മണ്യം ഉള്പ്പെടെ 5 പേരെയാണ് കസ്റ്റഡിയില് എടുത്തത്.
SUMMARY: Prime Minister arrives in Kochi; Navy departs for airport
