കോഴിക്കോട് : കോഴിക്കോട് വാഹനാപകടത്തിൽ മൂന്ന് മരണം. കൊയിലാണ്ടി കുറുവങ്ങാടാണ് അപകടമുണ്ടായത്. സ്കൂട്ടർ ഓടയിലേക്ക് മറിഞ്ഞുണ്ടായ അപകടത്തിൽ മൂന്ന് എംബിബിഎസ് വിദ്യാർഥികളാണ് മരിച്ചത്. നന്ദകിഷോർ, അഭിയാൻ, അഭിനവ് എന്നിവരാണ് മരിച്ചത്. മൂന്നുപേരും മലബാർ മെഡിക്കൽ കോളേജിലെ വിദ്യാർഥികളാണ്.
ഇലക്ട്രിക് സ്കൂട്ടർ നിയന്ത്രണം വിട്ട് പോസ്റ്റിലിടിച്ച് ഓടയിലേക്ക് മറിഞ്ഞാണ് അപകടമുണ്ടായത്. മൂന്ന് പേരും സംഭവസ്ഥലത്തുവെച്ച് തന്നെ മരിക്കുകയായിരുന്നു. പുലർച്ചെ രണ്ടരയോടെയാണ് അപകടം ഉണ്ടായത്. അപകടം കണ്ട ലോറി ഡ്രൈവര്മാരാണ് പോലീസിനെ വിവരമറിയിച്ചത്. പോലീസും നാട്ടുകാരും ചേര്ന്ന് അപകടത്തില് പെട്ടവരെ ആശുപത്രിയില് എത്തിച്ചെങ്കിലും രക്ഷിക്കാനായില്ല. മൃതദേഹം കോഴിക്കോട് മെഡിക്കൽ കോളേജിലേക്ക് മാറ്റി. സംഭവത്തിൽ പോലീസ് കേസെടുത്തു.
SUMMARY: Kozhikode road accident: Three MBBS students die
