ആലപ്പുഴ: നിയമസഭ തിരഞ്ഞെടുപ്പിന് കുറച്ച് ദിവസങ്ങള് മാത്രമാണ് ശേഷിക്കുന്നത്. റെജി ചെറിയാന്റെ പത്രികയില് ക്രമക്കേടുകള് കണ്ടെത്തി പുനപരിശോധനയ്ക്കായി മാറ്റി വെച്ചിരുന്നു. എന്നാല്, ഇന്ന് കുട്ടനാട്ടെ യുഡിഎഫ് സ്ഥാനാർഥിയായ റെജി ചെറിയാന്റെ നാമനിർദേശ പത്രിക അംഗീകരിച്ചു. സത്യം ജയിച്ചെന്നെന്നും പരാജയ ഭീതി കൊണ്ടാണ് എല്ഡിഎഫ് പരാതി നല്കിയതെന്നും റെജി ചെറിയാൻ പറഞ്ഞു.
പത്രിക അംഗീകരിച്ചതിന് പിന്നാലെ പ്രതികരണം അറിയിച്ച് യുഡിഎഫ് സ്ഥാനാർഥി റെജി ചെറിയാൻ രംഗത്തെത്തി. പരാതി കള്ളമെന്ന് വരണാധികാരി സ്ഥിരീകരിച്ചു. ചെറിയ കാരണങ്ങള് പറഞ്ഞ് പത്രിക തള്ളിക്കളയാൻ കഴിയില്ലെന്നും അദ്ദേഹം പറഞ്ഞു. അതേ സമയം വരണാധികാരിയുടെ തീരുമാനം രാഷ്ട്രിയ പ്രേരിതമായിരുന്നുവെന്നും തിരഞ്ഞെടുപ്പ് കമ്മീഷണർക്ക് പരാതി നല്കുമെന്നും റെജി ചെറിയാൻ പറഞ്ഞു. പത്രികയില് കേസ് വിവരങ്ങള് രേഖപെടുത്താത്തത് മൂലമാണ് പത്രിക പരിശോധന മാറ്റിയത്.
SUMMARY: Reji Cherian is relieved; his nomination paper, which was rejected after close scrutiny, is accepted.
