ന്യൂഡൽഹി: ശബരിമല യുവതീ പ്രവേശന കേസ് പരിഗണിക്കുന്നതിനായി 9 അംഗ ഭരണഘടനാ ബഞ്ചിന് രൂപം നല്കി സുപ്രീം കോടതി. ജസ്റ്റിസ് ബിവി നാഗരത്നയാണ് ബഞ്ചിലെ ഏക വനിതാ ജഡ്ജി. ചീഫ് ജസ്റ്റിസ് സൂര്യകാന്താണ് നേതൃത്വം. ജസ്റ്റിസ് എംഎം സുന്ദരേഷ്, ജസ്റ്റിസ് എ അമാനുള്ള, ജസ്റ്റിസ് അരവിന്ദ് കുമാർ, ജസ്റ്റിസ് എജെ മസീഹ്, ജസ്റ്റിസ് പിബി വരാലെ, ജസ്റ്റിസ് ആർ മഹാദേവൻ, ജസ്റ്റിസ് ജോയ്മാല ബാഗ്ചി എന്നിവരാണ് ബഞ്ചിലെ മറ്റ് അംഗങ്ങള്.
ഈ മാസം ഏഴ് മുതല് ബഞ്ച് വാദം കേള്ക്കല് ആരംഭിക്കും. യുവതീ പ്രവേശം എതിർക്കുന്നവരുടെ വാദം ഈ മാസം 7, 8, 9 തീയതികളിലായി നടക്കും. അനുകൂലിക്കുന്നവരുടെ വാദം 14, 15, 16 തീയതികളിലും നടക്കും.
SUMMARY: Sabarimala women’s entry; 9-member constitution bench formed
