ന്യൂഡൽഹി: ബിഹാർ മുഖ്യമന്ത്രി നിതീഷ് കുമാർ ഇന്ന് രാജ്യസഭ അംഗമായി സത്യപ്രതിജ്ഞ ചെയ്യും. ബിഹാർ ഉപമുഖ്യമന്ത്രിമാരായ വിജയ് കുമാർ സിൻഹയും സാമ്രാട്ട് ചൗധരിയും ഡൽഹിയിൽ എത്തിയിട്ടുണ്ട്. സത്യപ്രതിജ്ഞാ ചടങ്ങിൽ ഇരുവരും പങ്കെടുക്കുമെന്നാണ് സൂചന. രാജ്യസഭയിലേക്ക് തെരഞ്ഞെടുക്കപ്പെട്ടതിനെത്തുടർന്ന്, മാർച്ച് 30 ന് നിതീഷ് കുമാർ ബിഹാർ ലെജിസ്ലേറ്റീവ് കൗൺസിലിൽ (എംഎൽസി) നിന്ന് രാജിവച്ചിരുന്നു.
അതേസമയം ബിജെപി ദേശീയ പ്രസിഡന്റ് നിതിൻ നവീൻ, ശിവേഷ് കുമാർ എന്നിവരുൾപ്പെടെ ബീഹാറിലെ പുതുതായി തിരഞ്ഞെടുക്കപ്പെട്ട മറ്റു രാജ്യസഭാംഗങ്ങൾ ഏപ്രിൽ 16 ന് പാർലമെന്റിന്റെ പ്രത്യേക സമ്മേളനത്തിൽ സത്യപ്രതിജ്ഞ ചെയ്യും.
SUMMARY: Nitish Kumar will take oath as a member of the Rajya Sabha today
