ആലപ്പുഴ: തുറവൂർ താലൂക്ക് ആശുപത്രിയില്‍ തീപിടിത്തം. ആശുപത്രിയുടെ സ്റ്റോർ റൂമിലാണ് തീപിടിച്ചത്. ഫയർ ഫോഴ്സ് എത്തി തീ അണയ്ക്കാനുള്ള ശ്രമം തുടരുന്നു. ചൊവ്വാഴ്ച രാവിലെ 10:15-ഓടെ ഉണ്ടായ അപകടത്തില്‍ ഡയാലിസിസ് യൂണിറ്റിലുണ്ടായിരുന്നവരെ മാറ്റി. ഷോർട്ട് സർക്യൂട്ടാണ് അപകടത്തിന് കാരണമെന്നാണ് സംശയിക്കുന്നത്.
ആശുപത്രിയിലെ ഡയാലിസിസ് യൂണിറ്റിന് മുകള്‍ ഭാഗത്തുള്ള മരുന്ന് സൂക്ഷിക്കുന്ന മുറിയില്‍ നിന്നുമാണ് തീ പടർന്നതെന്നാണ് പ്രാഥമിക വിവരം. തീപിടിത്തം ശ്രദ്ധയില്‍പ്പെട്ടയുടൻ ഡയാലിസിസ് യൂണിറ്റിലുണ്ടായിരുന്ന രോഗികളെയും മറ്റും സുരക്ഷിതമായി പുറത്തെത്തിക്കാൻ കഴിഞ്ഞതിനാല്‍ ആളപായമുണ്ടായില്ല. നിലവില്‍ സ്ഥലത്ത് രക്ഷാപ്രവർത്തനങ്ങള്‍ നടന്നുവരികയാണ്.
SUMMARY: Major fire breaks out at Thuravoor Taluk Hospital
