മംഗളൂരു: ദക്ഷിണ കന്നഡ ജില്ലയിലെ മൂഡബിദിരി ഹൊസബെട്ടു പുച്ച്മൊഗരു ബവാഡ ബൈലുവില് ക്ഷേത്രോത്സവ ചടങ്ങിനിടെ നടപ്പാലം തകർന്ന് എട്ട് പേർക്ക് പരുക്കേറ്റു. ബവദഗുട്ടു സനദഗുഡ്ഡെ പാഡിഹോഡിബെട്ടു ക്ഷേത്രത്തില് ബുധനാഴ്ച രാവിലെയാണ് സംഭവം.
‘ധർമ്മ നേമ’ എന്ന പേരില് പല്ലക്ക് ചുമന്നുള്ള ഘോഷയാത്രയ്ക്കിടെ നടപ്പാലത്തിന്റെ തൂണ് ഇളകി 10 അടി താഴ്ചയിലേക്ക് ആളുകള് പതിക്കുകയായിരുന്നു. പരുക്കേറ്റവരെ ഉടൻ തന്നെ മൂഡ്ബിദ്രിയിലെ അടുത്തുള്ള സ്വകാര്യ ആശുപത്രിയിലേക്കും നാലുപേരെ പിന്നീട് വിദഗ്ദ ചികിത്സയ്ക്കായി മംഗളൂരുവിലെ ആശുപത്രിയിലേക്കും മാറ്റി. ഏകദേശം 50 വർഷം മുമ്പ് നിർമ്മിച്ച നടപ്പാലം കാലപ്പഴക്കത്തെ തുടര്ന്നാണ് തകർന്ന് വീണത്.
SUMMARY: Eight injured as footbridge collapses during temple festival
