ബെംഗളൂരു: ബെംഗളൂരു വിമാനത്താവളത്തിൽ വീണ്ടും ലഹരി മരുന്ന് വേട്ട. യാത്രക്കാരിൽ നിന്നും 3.89 കോടിയുടെ ഹൈഡ്രോപോണിക് കഞ്ചാവ് പിടികൂടി. ബാങ്കോക്കിൽ നിന്നും എത്തിയ യാത്രക്കാരനിൽ നിന്ന് 11.11 കിലോ ഹൈഡ്രോപോണിക് കഞ്ചാവ് പിടിച്ചെടുത്തതായി ബെംഗളൂരു കസ്റ്റംസ് എക്സ് പോസ്റ്റിൽ അറിയിച്ചു.
യാത്രക്കാരനെതിരെ എന്‍.ഡി.പി.എസ്. (നാര്‍ക്കോട്ടിക് ഡ്രഗ്‌സ് ആന്‍ഡ്‌ സൈക്കോട്രോപിക് സബ്‌സ്റ്റന്‍സസ്‌) ആക്ട് പ്രകാരം കേസ് എടുത്തു. യാത്രക്കാരന്റെ വിവരങ്ങൾ പുറത്തുവിട്ടിട്ടില്ല. കൂടുതൽ അന്വേഷണം നടന്നുവരികയാണ്.
SUMMARY: Passenger caught with hydroponic cannabis worth Rs 3.89 crore at Bengaluru airport
