കൊച്ചി: വിവാഹ വാഗ്ദാനം നൽകി പീഡിപ്പിച്ചെന്ന പരാതിയിൽ സിനിമ സഹസംവിധായകനെതിരെ കേസെടുത്ത് പോലീസ്. ജോജോ മോൻ എന്ന ജോജോ കുരിശിങ്കലിനെതിരെ മരട് പോലീസാണ് കേസെടുത്തത്.
വിവാഹവാഗ്ദാനം നൽകി പീഡിപ്പിച്ചെന്ന മോഡലിന്റെ പരാതിയിലാണ് കേസ്. ജോജോ മുൻപ് രണ്ടു വിവാഹം കഴിച്ചിരുന്നെന്നും ഇക്കാര്യം മറച്ചുവച്ചെന്നും യുവതിയുടെ പരാതിയിൽ പറയുന്നു. ലൈംഗിക ബന്ധത്തിനു സമ്മതിക്കാതിരുന്നതോടെ പ്രതി ക്രൂരമായി മർദിച്ചെന്നു യുവതിയുടെ പരാതിയിൽ പറയുന്നു. ഡേറ്റിംഗ് ആപ്പായ ബംബിൾ വഴിയാണ് ഇരുവരും പരിചയപ്പെട്ടത്.
പീഡനത്തിന് പുറമെ താൻ ക്രൂരമായ മർദ്ദനത്തിന് ഇരയായതായും സ്വകാര്യ ദൃശ്യങ്ങൾ ജോജോ മൊബൈലിൽ പകർത്തിയതായും യുവതി പരാതിയിൽ ചൂണ്ടിക്കാട്ടുന്നു. പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിച്ചതോടെ പ്രതി ഒളിവിൽ പോയിരിക്കുകയാണ്. ഇയാൾക്കായി തിരച്ചിൽ ഊർജ്ജിതമാക്കിയതായി പോലീസ് അറിയിച്ചു.
SUMMARY: Rape on promise of marriage; Case filed against co-director
