ഇസ്ലാമാബാദ്: പാക്കിസ്ഥാനില ഖൈബർ പഖ്തുൻഖ്വാ പ്രവിശ്യയില് ചാവേറാക്രമണം. തിരക്കേറിയ മാർക്കറ്റില് സ്ഫോടക വസ്തുക്കള് നിറച്ച ഓട്ടോറിക്ഷ പൊട്ടിത്തെറിക്കുകയായിരുന്നു. സ്ഫോടനത്തില് 9 പേർ മരിക്കുകയും 35 ഓളം പേർക്ക് പരുക്കേല്ക്കുകയും ചെയ്തു. ഓട്ടോ അക്രമി സ്ഥലത്തേക്ക് ഓടിച്ചുകൊണ്ടുവരികയായിരുന്നുവെന്ന് ജില്ലാ പോലീസ് മേധാവി പറഞ്ഞു.
മരിച്ചവരില് 2 പേർ പോലീസുകാരും ഒരു സ്ത്രീയും ഉള്പ്പെടുന്നതായാണ് വിവരം. പരുക്കേറ്റവരെ ഉടൻ തന്നെ ആശുപത്രിയിലേക്ക് മാറ്റി. ആക്രമണത്തെക്കുറിച്ച് മുഖ്യമന്ത്രി മുഹമ്മദ് സുഹൈല് അഫ്രീദി ഇൻസ്പെക്ടർ ജനറല് ഓഫ് പൊലീസിനോട് വിശദമായ റിപ്പോർട്ട് തേടിയിട്ടുണ്ട്. മരണത്തില് അദ്ദേഹം അനുശോചനം രേഖപ്പെടുത്തി.
SUMMARY: Suicide attack in Pakistan; 9 killed as autorickshaw packed with explosives explodes
