കൊച്ചി: എന്ഫോഴ്സ്മെന്റ് ഡയറക്ടറേറ്റ് നടത്തുന്ന അന്വേഷണം തടയണമെന്ന് ആവശ്യപ്പെട്ട് കൊച്ചിന് മിനറല്സ് ആന്ഡ് റൂട്ടൈല് ലിമിറ്റഡ് നല്കിയ ഹര്ജിയില് ഇടക്കാല സ്റ്റേ അനുവദിക്കാന് കേരള ഹൈക്കോടതിയുടെ ഡിവിഷന് ബെഞ്ച് വിസമ്മതിച്ചു. സിഎംആര്എല്ലിനെ സംബന്ധിച്ചിടത്തോളം വലിയൊരു തിരിച്ചടിയാണ് ഈ കോടതി വിധി.
മുന് മുഖ്യമന്ത്രി പിണറായി വിജയന്റെ മകള് ടി. വീണയുടെ ഉടമസ്ഥതയിലുള്ള എക്സാലോജിക് സൊല്യൂഷന്സ് എന്ന കമ്പനിയുമായി ബന്ധപ്പെട്ട് ഇഡി നടത്തുന്ന അന്വേഷണവുമായി ചേര്ത്താണ് ഈ കേസും നിലനില്ക്കുന്നത്. വിഷയത്തില് ഉന്നയിക്കപ്പെട്ടിട്ടുള്ള എല്ലാ കാര്യങ്ങളും വിശദമായിത്തന്നെ കേള്ക്കുമെന്ന് വ്യക്തമാക്കിയ ഹൈക്കോടതി, ഇഡി അന്വേഷണം റദ്ദാക്കാന് വിസമ്മതിച്ച സിംഗിള് ജഡ്ജിയുടെ വിധിക്കെതിരെ സിഎംആര്എല് സമര്പ്പിച്ച അപ്പീല് ഹര്ജിയാണ് പരിഗണിച്ചത്.
എക്സാലോജിക് സൊല്യൂഷന്സും സിഎംആര്എല്ലും തമ്മില് നടത്തിയ സാമ്പത്തിക ഇടപാടുകളെക്കുറിച്ചുള്ള എന്ഫോഴ്സ്മെന്റ് ഡയറക്ടറേറ്റിന്റെ അന്വേഷണത്തെ ചോദ്യം ചെയ്ത് നല്കിയ ഹര്ജി സിംഗിള് ബെഞ്ച് തള്ളിയിരുന്നു. ഈ ഉത്തരവിനെതിരെയാണ് കൊച്ചിന് മിനറല്സ് ആന്ഡ് റൂട്ടൈല് ലിമിറ്റഡ് ഹൈക്കോടതി ഡിവിഷന് ബെഞ്ചിനെ സമീപിച്ചത്.
SUMMARY: High Court Division Bench refuses to grant interim stay on ED investigation
