ന്യൂഡല്ഹി: ഡല്ഹി തുഗ്ലകാബാദ് എക്സ്റ്റന്ഷനില് പാര്പ്പിട സമുച്ചയത്തില് ഉണ്ടായ തീപിടിത്തത്തില് മൂന്നുമരണം. എട്ടുപേര്ക്ക് പരുക്കേറ്റു. ഇന്നുപുലര്ച്ചെ രണ്ടരയോടെയാണ് തീ പിടിത്തമുണ്ടായത്. മധ്യം മാര്ഗിലെ ആറു നിലകളുള്ള നയ താര അപ്പാര്ട്ട്മെന്റിലാണ് തീ പടര്ന്നത്. ഉടന്തന്നെ അഗ്നിരക്ഷാസേനയെത്തി രക്ഷാപ്രവര്ത്തനം തുടങ്ങി.
VIDEO | Delhi: Fire broke out in a multi-storey residential building in Tughlakabad Extension area. Several two-wheelers gutted in fire. More details are awaited. #DelhiNews
(Full video available on PTI Videos – https://t.co/n147TvrpG7) pic.twitter.com/F4A4B5eXB4
— Press Trust of India (@PTI_News) June 12, 2026
കെട്ടിടത്തിൽ നിന്ന് വൻതോതിൽ പുക ഉയർന്നതോടെ പല താമസക്കാരും ഉള്ളിൽ കുടുങ്ങിക്കിടക്കുകയായിരുന്നു. തുടർന്ന് പോലീസും ഫയർഫോഴ്സും ചേർന്ന് നടത്തിയ രക്ഷാപ്രവർത്തനത്തിനൊടുവിലാണ് കെട്ടിടത്തിലുണ്ടായിരുന്ന എട്ട് പേരെ പുറത്തെത്തിച്ചത്. ഇവരെ സഫ്ദർജംഗ് ആശുപത്രിയിലേക്കും എയിംസ് ട്രോമ കെയർ സെന്ററിലേക്കും മാറ്റി.
ആശുപത്രിയിൽ എത്തിച്ചവരിൽ 22 വയസ്സുകാരനായ യുവാവും രണ്ട് സ്ത്രീകളും ഉൾപ്പെടെ മൂന്ന് പേർ മരിച്ചതായി പോലീസ് സ്ഥിരീകരിച്ചു. പരിക്കേറ്റ മറ്റ് രണ്ട് പേരുടെ നില ഇപ്പോഴും അതീവ ഗുരുതരമായി തുടരുകയാണ്. കെട്ടിടത്തിന്റെ ഗ്രൗണ്ട് ഫ്ലോറിലുണ്ടായ ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.
SUMMARY: Massive fire breaks out in Delhi apartment; Three dead, including two women, eight injured
