വടക്കാഞ്ചേരി: തൃശൂര് ജില്ലയില് ഷിഗെല്ല രോഗം സ്ഥിരീകരിച്ചു. വടക്കാഞ്ചേരി മംഗലം സ്വദേശികളായ രണ്ട് കുട്ടികള്ക്കാണ് രോഗബാധ കണ്ടെത്തിയത്. ഇരുവരും തൃശൂര് മെഡിക്കല് കോളജ് ആശുപത്രിയില് ചികിത്സയിലാണ്. കഴിഞ്ഞ ആഴ്ച തമിഴ്നാട്ടിൽ യാത്ര പോയി വന്നതിനു ശേഷമാണ് രോഗം സ്ഥിരീകരിച്ചത്. നാല് വയസ്സുള്ള പെൺകുട്ടിക്കും ഏഴ് വയസ്സുള്ള ആൺകുട്ടിക്കുമാണ് രോഗം ഉണ്ടായിരിക്കുന്നത്.
കുട്ടികളുടെ ആഗോഗ്യസ്ഥിതി ഗുരുതരമല്ലെന്ന് അധികൃതർ അറിയിച്ചു. കുട്ടികളുമായി സമ്പർക്കം പുലർത്തിയവർ നിരീക്ഷണത്തിലാണ്. കുട്ടികളുടെ സമ്പർക്ക പട്ടിക തയാറാക്കുകയാണെന്നും ആരോഗ്യ വകുപ്പ് അറിയിച്ചു.
തിരുവനന്തപുരം കാട്ടാക്കടയിലെ ഒരു ബേക്കറിയില് വില്പ്പനയ്ക്ക് വെച്ചിരുന്ന പാനീയത്തില് ഷിഗെല്ല ബാക്ടീരിയയുടെ സാന്നിധ്യം കണ്ടെത്തിയിരുന്നു. ഇതിന്റെ പശ്ചാത്തലത്തില് സംസ്ഥാനത്തിന്റെ വിവിധ ഭാഗങ്ങളില് ആരോഗ്യവകുപ്പ് ജാഗ്രത നിര്ദേശം നല്കിയിട്ടുണ്ട്.
സംസ്ഥാനത്ത് ഇന്നലെ മാത്രം 18 പേര്ക്കാണ് ഷിഗെല്ല സ്ഥിരീകരിച്ചത്. ഈ വര്ഷം ഇതുവരെ 132 പേര്ക്ക് രോഗബാധ റിപ്പോര്ട്ട് ചെയ്തിട്ടുണ്ട്. തിരുവനന്തപുരം, കൊല്ലം, തൃശൂര്, കോഴിക്കോട്, മലപ്പുറം, വയനാട് ജില്ലകളിലാണ് നിലവില് രോഗം സ്ഥിരീകരിച്ചിരിക്കുന്നത്.
SUMMARY: Shigella confirmed in Thrissur; Two children in Vadakkancherry tested positive for the disease
