ബെംഗളൂരു: കലാ വെൽഫെയർ അസോസിയേഷൻ ബെംഗളൂരു സംഘടിപ്പിക്കുന്ന മലയാളം ക്ലാസിന് ഞായറാഴ്ച വൈകിട്ട് 3 മണിക്ക് കലാ ഓഫീസിൽ തുടക്കമാകും. അക്ഷരങ്ങളിലൂടെ അറിവിന്റെ ലോകത്തേക്കും, ഭാഷയിലൂടെ സംസ്കാരത്തിന്റെ വേരുകളിലേക്കും കുട്ടികളെ കൈപിടിച്ചുനടത്തുന്ന ഈ പഠനയാത്രയിൽ നിരവധി വിദ്യാർത്ഥികൾ പങ്കെടുക്കും.
വായനയുടെയും എഴുത്തിന്റെയും അടിസ്ഥാന പാഠങ്ങൾക്കൊപ്പം മലയാള സാഹിത്യം, കവിത, കഥ, കല എന്നിവയും പരിചയപ്പെടുത്തും. ‘അമ്മ മലയാളത്തിന്റെ മധുരം നുകരും അക്ഷരലോകത്തിലേക്ക് സ്വാഗതം’ എന്ന സന്ദേശവുമായി ആരംഭിക്കുന്ന ക്ലാസ്, കുട്ടികളിൽ ഭാഷാപ്രേമവും സാംസ്കാരിക ബോധവും വളർത്തുന്നതിന് സഹായകമാകുമെന്ന് സംഘാടകർ അറിയിച്ചു.എല്ലാ വിദ്യാർത്ഥികളെയും രക്ഷിതാക്കളെയും ഉദ്ഘാടന ചടങ്ങിലേക്കും തുടർന്നുള്ള പഠനപ്രവർത്തനങ്ങളിലേക്കും സ്വാഗതം ചെയ്യുന്നതായി കലാ ഭാരവാഹികള്‍ അറിയിച്ചു.
SUMMARY: Malayalam art class starts tomorrow
