കാസറഗോഡ്: പള്ളിക്കര കല്ലിങ്കാല് കടപ്പുറത്ത് കുളിക്കാനിറങ്ങുന്നതിനിടെ ഒഴുക്കില്പ്പെട്ട് രണ്ട് യുവാക്കളെ കടലില് കാണാതായി. കോട്ടയം സ്വദേശികളായ നാലംഗ സംഘത്തിലെ അപ്പു ആന്റണി (20), അങ്കിത് അപ്പൂട്ടി എബ്രഹാം (20) എന്നിവരെയാണ് കാണാതായത്. ഞായറാഴ്ച വൈകീട്ടായിരുന്നു സംഭവം. ഇവര്ക്കായി കോസ്റ്റ് ഗാര്ഡിന്റെയും കോസ്റ്റല് പോലീസിന്റെയും പ്രാദേശിക മത്സ്യത്തൊഴിലാളികളുടെയും നേതൃത്വത്തില് കടലില് ഊര്ജ്ജിതമായ തിരച്ചില് ആരംഭിച്ചിട്ടുണ്ട്.
ബേക്കൽ ബീച്ച് സന്ദർശിക്കാനെത്തിയ കോട്ടയത്തുനിന്നുള്ള നാലംഗ സംഘത്തിൽപ്പെട്ടവരാണ് ഇവർ. ബീച്ച് കണ്ടശേഷം കല്ലിങ്കാലിന് സമീപത്തെ തീരത്ത് ഇവർ കടലിൽ കുളിക്കാനിറങ്ങുകയായിരുന്നു. ഇതിനിടെ ശക്തമായ തിരയിൽപ്പെട്ട് രണ്ടുപേരും ഒഴുക്കിൽപ്പെടുകയായിരുന്നു ഒപ്പമുണ്ടായിരുന്നവർ വിവരമറിയിച്ചതിനെ തുടർന്ന് ബേക്കൽ കോസ്റ്റൽ പോലീസും നാട്ടുകാരും സ്ഥലത്തെത്തി തിരച്ചിൽ ആരംഭിച്ചു.
SUMMARY: Two young men from Kottayam went missing at sea in Pallikkara, Kasaragod.
