ബെംഗളൂരു: ബാംഗ്ലൂർ കേരളസമാജം മാഗഡി റോഡ് സോണിന്റെ നേതൃത്വത്തിൽ കെങ്കേരി നിഖാര ഡയഗ്നോസ്റ്റിക് സെന്ററിൽ സമാജത്തിന്റെ 12-ാമത്തെ ഡയാലിസിസ് മെഷീൻ നാടിന് സമർപ്പിച്ചു. കേരളസമാജം പ്രസിഡന്റ് ഹനീഫ് എം., ജനറൽ സെക്രട്ടറി റജികുമാർ എന്നിവർ ചേർന്നാണ് ഡയാലിസിസ് യൂണിറ്റ് സമർപ്പിച്ചത്.
കേരളസമാജം മാഗഡി റോഡ് സോൺ അനിൽ കുമാർ ആർ അധ്യക്ഷത വഹിച്ചു. കേരളസമാജം കന്റോൺമെന്റ് സോൺ ചെയർപേഴ്സൺ ഡോ. ലീല രാമചന്ദ്രനും രാമചന്ദ്രനും ചേർന്നാണ് ഡയാലിസിസ് മെഷീൻ സംഭാവന നൽകിയത്. തുടർന്ന് ഡോ. ലീല രാമചന്ദ്രനും രാമചന്ദ്രനും ചേർന്ന് ഡയാലിസിസ് മെഷീൻ സ്വിച്ച് ഓൺ ചെയ്ത് സേവനത്തിനായി സമർപ്പിച്ചു.
ചടങ്ങിൽ കേരളസമാജം വൈസ് പ്രസിഡന്റ് പി കെ സുധീഷ്, ഖജാൻജി ജോർജ് തോമസ്, കൾച്ചറൽ സെക്രട്ടറി വി മുരളിധരൻ, നിഖാര ഡയഗ്നോസ്റ്റിക് സെന്റർ ഡയറക്റ്റർ ഡോ. അരുണ് കുമാർ, പ്രസാദ് പി കെ , സഹദേവൻ, സനൽ കുമാർ , റോജി, വനിതാ വിഭാഗം വൈസ് ചെയർപേഴ്സൺ ദിവ്യ മുരളി , പ്രിയ പ്രസാദ്, പോൾ പീറ്റർ, ജെയിംസ്, സെഡറിക്, പി വി എൻ ബാലകൃഷ്ണൻ, മാനേജിങ് കമ്മിറ്റി അംഗങ്ങൾ, വിവിധ സോണുകളിലെ ചെയർമാൻമാർ, കൺവീനർമാർ, അഡ്വൈസറി കമ്മിറ്റി അംഗങ്ങൾ, എക്സിക്യൂട്ടീവ് അംഗങ്ങൾ, വനിതാ വിംഗ്, യൂത്ത് വിംഗ് പ്രവർത്തകർ എന്നിവർ പങ്കെടുത്തു.
പ്രശസ്ത നെഫ്രോളജിസ്റ്റ് ഡോ. അരുണ് കുമാർ പ്രത്യേക പ്രഭാഷണം നടത്തി. വൃക്കരോഗികൾക്ക് മികച്ച ചികിത്സാ സൗകര്യം ലഭ്യമാക്കുന്നതിന് ഈ ഡയാലിസിസ് മെഷീൻ സഹായകരമാകുമെന്ന് അദ്ദേഹം പറഞ്ഞു.
SUMMARY: Kerala Samajam dedicates 12th dialysis machine
