ബെംഗളൂരു: എസ്.എൻ.ഡി.പി. യോഗം ത്രിദിന നേതൃത്വ ക്യാമ്പ് ഇന്ന് മുതല് ഞായറാഴ്ച വരെ ബെംഗളൂരു ആനന്ദ റാവു സര്ക്കിളിലെ ഡോ. പൽപ്പു നഗറിൽ നടക്കും. ഇന്നു വൈകിട്ട് 4നു യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം നിർവഹിക്കും. വൈസ് പ്രസിഡന്റ് തുഷാർ വെള്ളാപ്പള്ളി അധ്യക്ഷത വഹിക്കും. ദേവസ്വം സെക്രട്ടറി അരയക്കണ്ടി സന്തോഷ് പങ്കെടുക്കും. പത്മഭൂഷൺ നേടിയ വെള്ളാപ്പള്ളി നടേശന് 27ന് രാവിലെ 10ന് എസ്എൻഡിപി ബാംഗ്ലൂർ യൂണിയന്റെ നേതൃത്വത്തിൽ സ്വീകരണം നൽകും.
പ്രവർത്തകരുടെ ഐക്യവും ആത്മവിശ്വാസവും വർധിപ്പിച്ച് യോഗത്തിൻ്റെ പ്രവർത്തനങ്ങൾക്ക് ഊർജം പകരുകയാണ് ക്യാമ്പിൻ്റെ ലക്ഷ്യം. ആനുകാലിക വിഷയങ്ങൾ, നേതൃപാടവം, സംഘടനാ പ്രവർത്തനം, സാമൂഹിക ഇടപെടൽ എന്നിവയെ ക്കുറിച്ചുള്ള ചർച്ചകളും പരിശീലന പരിപാടികളുമുണ്ടാകും. സാമൂഹികപുരോഗതിക്കും സംഘടനയുടെ വളർച്ചയ്ക്കും പുതിയ ആശയങ്ങളും പ്രവർത്തനപദ്ധതികളും രൂപപ്പെടുത്തുന്ന ക്യാമ്പില് വിവിധ ശാഖാ ഭാരവാഹികളും, വനിതാ സംഘം, യൂത്ത് മൂവ്മെന്റ് പ്രതിനിധികളും പങ്കെടുക്കും.
SUMMARY: SNDP Yogam leadership camp begins in Bengaluru today
