കണ്ണൂർ: മട്ടന്നൂർ – ഇരിട്ടി കെഎസ്ടിപി റോഡില് സ്വകാര്യ ബസ് സ്കൂട്ടറിലിടിച്ച് അച്ഛനും മകനും മരിച്ചു. മട്ടന്നൂർ കോളാരി സ്വദേശികളായ വിനോദ് (52), മകൻ വൈഷ്ണവ് (25) എന്നിവരാണ് മരിച്ചത്. വൈഷ്ണവിന്റെ ഇരുപത്തിയഞ്ചാം ജന്മദിനത്തിലാണ് അച്ഛനെയും മകനെയും സ്വകാര്യ ബസ് ഇടിച്ചത്. ബുധനാഴ്ച രാവിലെ 10.15-ഓടെ ഉളിയില് കൂരൻമുക്കിലാണ് അപകടമുണ്ടായത്.
മഴയുള്ള സമയത്താണ് അപകടം സംഭവിച്ചത്. ബസിനടിയില്പ്പെട്ട വിനോദിനെയും വൈഷ്ണവിനെയും നാട്ടുകാരും പോലീസും ചേർന്ന് ഏറെ നേരത്തെ ശ്രമത്തിനൊടുവില് ക്രെയിൻ ഉപയോഗിച്ച് ബസ് ഉയർത്തിയാണ് പുറത്തെടുത്തത്. ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
SUMMARY: Father and son dead after private bus hits scooter
