മലപ്പുറം: ക്ലാസ് മുറിയില്‍ വച്ച്‌ അഞ്ചാം ക്ലാസുകാരിയെ ചൂരല്‍ കൊണ്ടടിച്ച്‌ കൈയുടെ എല്ല് പൊട്ടിച്ച സംഭവത്തില്‍ സ്കൂള്‍ അധ്യാപകനെതിരെ പോലീസ് കേസെടുത്തു. മലപ്പുറം കല്പകഞ്ചേരി എം.എസ്.എം.എച്ച്‌.എസ്.എസ്സിലെ അധ്യാപകനും വടകര സ്വദേശിയുമായ ബല്‍രാജിനെതിരെയാണ് ജുവനൈല്‍ ജസ്റ്റിസ് ആക്‌ട് പ്രകാരം കല്പകഞ്ചേരി പോലീസ് കേസെടുത്തത്.
അഞ്ചാം ക്ലാസുകാരിയെ അടിച്ചു പരുക്കേല്‍പ്പിച്ച മലപ്പുറം കല്പകഞ്ചേരി എംഎസ്‌എംഎച്ച്‌എസ്‌എസ് സ്കൂളിലെ അധ്യാപകനെതിരെ കൂടുതല്‍ പരാതി പുറത്തുവരുന്നുണ്ട്. അടി കിട്ടിയ വിദ്യാർഥിയുടെ സഹപാഠിക്കും നേരത്തെ ഇതേ അധ്യാപകനില്‍ നിന്ന് അടിയേറ്റിരുന്നു. അധ്യാപകനെ പേടിയാണെന്നും വിദ്യാർഥി പറയുന്നു.
എംഎസ്‌എംഎച്ച്‌എസ്‌എസ് കല്ലിങ്ങല്‍പ്പറമ്പിലെ കണക്ക് അധ്യാപകനെതിരെയായിരുന്നു പരാതി. കുടുംബം ബാലാവകാശ കമ്മീഷനും പരാതി നല്‍കിയിട്ടുണ്ട്. കൈക്ക് ഗുരുതരമായി പരുക്കേറ്റിട്ടും അധ്യാപകര്‍ കുട്ടിയെ ആശുപത്രിയില്‍ എത്തിച്ചില്ലെന്നും കുട്ടിയുടെ അമ്മ ആരോപിച്ചിരുന്നു. കുട്ടിയെ അധ്യാപകര്‍ ചേര്‍ന്ന് വീട്ടിലെത്തിച്ച ശേഷം രക്ഷിതാക്കളായിരുന്നു ആശുപത്രിയിലേക്ക് കൊണ്ടുപോയത്.
SUMMARY: Case registered against teacher following complaint of breaking fifth-grade girl’s arm in Malappuram
