ബെംഗളൂരു: തുമക്കൂരു റോഡിലെ പീനിയ മേൽപാലത്തിൽ ടാറിങ് പ്രവൃത്തികള് നടക്കുന്നതിനാൽ ഓഗസ്റ്റ് 5 വരെ രാത്രികാല ഗതാഗത നിയന്ത്രണം ഏര്പ്പെടുത്തിയതായി നാഷണൽ ഹൈവേ അതോറിറ്റി ഓഫ് ഇന്ത്യ അറിയിച്ചു.
രാത്രി 10 മുതൽ പുലർച്ചെ 5 വരെയാണ് നിയന്ത്രണം. നെലമംഗലയിൽ നിന്ന് ബെംഗളൂരു ഭാഗത്തേക്കുള്ള പാലത്തിലാണ് ഗതാഗതം നിരോധിച്ചത്. അതേസമയം ശനി, ഞായർ ദിവസങ്ങളിൽ അർധരാത്രി 12 മുതൽ 5 വരെയാണ് നിയന്ത്രണം.
നെലമംഗല ഭാഗത്ത് നിന്ന് ബെംഗളൂരു നഗരത്തിലേക്കുള്ള വാഹനങ്ങൾ കെന്നമെറ്റൽ ഫാക്ടറിക്കു സമീപത്ത് നിന്ന് സർവീസ് റോഡിൽ പ്രവേശിച്ച് എയ്ത്ത് മെയിൽ, ദാസറഹള്ളി, ജാലഹള്ളി ക്രോസ്, പീനിയ പോലീസ് സ്റ്റേഷൻ, എസ്ആർഎസ് ജംക്ഷൻ, ഗോരെഗുണ്ഡെപാളയ വഴിയാണ് സഞ്ചരിക്കേണ്ടത്.
SUMMARY: Traffic restrictions on Peeniya flyover will continue until August 5
SUMMARY: Traffic restrictions on Peeniya flyover will continue until August 5
