ഇടുക്കി: ഇടുക്കി ജില്ലയില്‍ മഴയുടെ ശക്തി കുറഞ്ഞെങ്കിലും ജലനിരപ്പ് ഉയരുന്ന സാഹചര്യത്തില്‍ നാല് അണക്കെട്ടുകള്‍ തുറന്നു. ഇടുക്കിയില്‍ മഴയുടെ ശക്തി കുറഞ്ഞു. ഇടവിട്ട് മാത്രമാണ് മഴ പെയ്യുന്നത്. നീരൊഴുക്ക് ശക്തമായ സാഹചര്യത്തില്‍ നാല് അണക്കെട്ടുകള്‍ തുറന്നു. കല്ലാര്‍കുട്ടി, കല്ലാര്‍, പാംബ്ല, മലങ്കര ഡാമുകളാണ് തുറന്നത്. ഇടുക്കിയിലെ പ്രധാനപ്പെട്ട ഡാമുകളിലെ ജലനിരപ്പ് ഉയരുകയാണ്.
ഇടുക്കി അണക്കെട്ടില്‍ ഇന്നലെ ഒറ്റ ദിവസം കൂടിയത് ഒമ്പത് അടി വെള്ളമാണ്. നിലവില്‍ 2,339.62 അടിക്ക് മുകളിലാണ് ജലനിരപ്പ്. കഴിഞ്ഞ വര്‍ഷം ഇതേസമയം ഇത് 2376.20 അടിയായിരുന്നു. മുല്ലപ്പെരിയാര്‍ അണക്കെട്ടിലെ ജലനിരപ്പ് 116.7 അടി മാത്രമാണ്.
മഴ കുറഞ്ഞെങ്കിലും ജില്ലയില്‍ ജാഗ്രത തുടരുകയാണ്. ടൂറിസം കേന്ദ്രങ്ങളിലേക്ക് പ്രവേശന വിലക്കും രാത്രി യാത്ര നിരോധനം തുടരുകയാണ്. കുമളി-പൂപ്പാറ സംസ്ഥാന പാതയില്‍ പുളിയന്മലയ്ക്ക് സമീപം വീണ മരം മുറിച്ചു നീക്കുന്നത് അവസാന ഘട്ടത്തിലാണ്. മലയോര മേഖലകളില്‍ മണ്ണിടിച്ചില്‍ ഭീഷണി നിലനില്‍ക്കുന്ന സാഹചര്യത്തില്‍ അലേര്‍ട്ട് തുടരുകയാണ്. കല്ലാര്‍കുട്ടി, കല്ലാര്‍, പാംബ്ല, മലങ്കര ഡാമുകള്‍ തുറന്ന് വെള്ളം ഒഴുക്കുന്നു. പലയിടങ്ങളിലും ശക്തമായ കാറ്റ് വീശി. ഇടുക്കിയില്‍ ഇന്നലെ മാത്രം 14 വീടുകള്‍ തകര്‍ന്നു. നിലവില്‍ ഏഴ് ദുരിതാശ്വാസ ക്യാംപുകളിലായി 101 പേരാണ് കഴിയുന്നത്.
SUMMARY: Water level at Mullaperiyar Dam stands at 116.7 feet; four dams opened in Idukki
