തിരുവനന്തപുരം: വന്ദേമാതരം വിവാദത്തില് പ്രതികരിച്ച് മുഖ്യമന്ത്രി വി ഡി സതീശൻ. വിഷയത്തില് സര്ക്കാരിന് കൃത്യമായ നിലപാടുണ്ടെന്ന് മുഖ്യമന്ത്രി അറിയിച്ചു. വന്ദേമാതരം വിഷയത്തില് സര്ക്കാരിന് വ്യക്തമായ നിലപാടുണ്ടെന്നും ഓഗസ്റ്റ് 15ന് അത് വ്യക്തമാകുമെന്നും അദ്ദേഹം പറഞ്ഞു. പാസാക്കിയ നിയമത്തില് വന്ദേമാതരം മുഴുവന് പാടണമെന്നാണ്. അധിക്ഷേപിക്കുകയോ പാടാതിരിക്കുകയോ ചെയ്താല് മൂന്നുവര്ഷം തടവ് എന്നാണ് നിയമത്തില് പറയുന്നതെന്നും മുഖ്യമന്ത്രി വിശദീകരിച്ചു.
കോണ്ഗ്രസ് നയിക്കുന്ന സര്ക്കാരിന് അക്കാര്യത്തില് വ്യക്തമായ നിലപാടുണ്ട്. അതനുസരിച്ചേ കാര്യങ്ങള് ചെയ്യൂ. സ്വാതന്ത്ര്യ ദിനവുമായി ബന്ധപ്പെട്ട് സര്ക്കാരിന് വ്യക്തമായ നിലപാടുണ്ട്. യുഡിഎഫിന് അത് സംബന്ധിച്ച കൃത്യമായ നയമുണ്ട്. ഓഗസ്റ്റ് 15ന് അധികം ദിവസമില്ല. അത് നിങ്ങള്ക്ക് അപ്പോള് മനസിലാകുമെന്നും അദ്ദേഹം പറഞ്ഞു.
അതേസമയം, എംഡിഎംഎ കേസില് അറസ്റ്റിലായ യൂത്ത് കോണ്ഗ്രസ് പ്രവര്ത്തകന് മുഖ്യമന്ത്രിയുടെ സോഷ്യല് മീഡിയ കോര്ഡിനേറ്ററെന്ന വാര്ത്ത തള്ളി മുഖ്യമന്ത്രി വി ഡി സതീശന്. മയക്കുമരുന്ന് കേസില് അറസ്റ്റിലായ ആളെ തനിക്ക് അറിയാമെങ്കിലും അയാള് തന്റെ സോഷ്യല് മീഡിയ കോര്ഡിനേറ്ററല്ലെന്ന് മുഖ്യമന്ത്രി വാര്ത്താ സമ്മേളനത്തില് പറഞ്ഞു. തനിക്ക് സോഷ്യല് മീഡിയ ടീമോ അതിനൊരു കോര്ഡിനേറ്ററോ ഇല്ല. അറസ്റ്റിലായ രണ്ട് പേരെ തനിക്ക് അറിയാം. അതിലൊരാള് യൂത്ത് കോണ്ഗ്രസ് പ്രവര്ത്തകനാണെന്നും മുഖ്യമന്ത്രി കൂട്ടിച്ചേര്ത്തു.
SUMMARY: The government has a clear stance on the ‘Vande Mataram’ issue; this will be made clear on August 15, says V.D. Satheesan
