തിരുവനന്തപുരം: കേരളത്തിന്‍റെ പുതിയ മുഖ്യ തിരഞ്ഞെടുപ്പ് ഓഫീസറായി ഡി.സജിത് ബാബുവിനെ നിയമിച്ചു. സംസ്ഥാന സർക്കാരിന്‍റെ ശിപാർശ കേന്ദ്ര തിരഞ്ഞെടുപ്പ് കമ്മീഷൻ അംഗീകാരം നല്‍കിയതോടെയാണ് നിയമനം. പൊതുവിദ്യാഭ്യാസ വകുപ്പില്‍ സ്പെഷ്യല്‍ സെക്രട്ടറിയായി പ്രവർത്തിച്ചുവരുന്നതിനിടെയാണ് സജിത് ബാബുവിനെ ഈ സ്ഥാനത്തേക്ക് പരിഗണിച്ചിരിക്കുന്നത്.
മുമ്പ് മുഖ്യ തിരഞ്ഞെടുപ്പ് കമ്മീഷണറായിരുന്ന രത്തൻ യു.ഖേല്‍ക്കർ മുഖ്യമന്ത്രിയുടെ ഓഫീസില്‍ സ്പെഷ്യല്‍ പ്രിൻസിപ്പല്‍ സെക്രട്ടറിയായതിനെ തുടർന്നാണ് ഈ ഒഴിവ് വന്നത്. 2012 ബാച്ച്‌ ഐ എ എസ് (IAS) ഉദ്യോഗസ്ഥനാണ് ഡോ. സജിത്ത് ബാബു. ഉന്നത വിദ്യാഭ്യാസ വകുപ്പ്, ജില്ലാ കളക്‌ടർ തുടങ്ങി വിവിധ ഭരണപരമായ തസ്‌തികകളില്‍ അദ്ദേഹം മുമ്പ് സേവനമനുഷ്‌ഠിച്ചിട്ടുണ്ട്.
SUMMARY: D. Sajith Babu is Kerala’s new Chief Electoral Officer
